គ្រូធំ AC Milan ប្រកាសផ្ទាល់មាត់ថានឹងចូលចែចូវយកកីឡាករ Chelsea រូបនេះ

អ៊ីតាលី៖ លោកគ្រូបង្វឹក Stefano Pioli នៃក្លិប AC Milan បានបញ្ជាក់ដោយផ្ទាល់ថាក្លិបកំពុងដាក់សំណើទិញផ្ដាច់ ខ្សែការពារ Fikayo Tomori ពីក្លិបតោខៀវ Chelsea បន្ទាប់ពីកីឡាករវ័យ២៣ឆ្នាំរូបនេះបានបង្ហាញទម្រង់លេងដ៏ល្អនិងបានចូលលេងយ៉ាងទៀងទាត់ក្រោមការដឹកនាំរបស់លោកគ្រូ។

Tomori ទើបតែផ្ទេរទៅលេងខ្ចីជើងនៅ AC Milan កាលពីខែមករាកន្លះទៅនេះឯង ប៉ុន្តែគេបានចូលលេង១៩ប្រកួតហើយដែលរួមបញ្ចូលទាំងការប្រកួតក្នុងក្របខណ្ឌ Europa League ទល់នឹង Manchester United ទាំងពីរជើង។

លក្ខខណ្ឌព្រមព្រៀងរវាង Chelsea និង AC Milan គឺ AC Milan អាចទិញផ្ដាច់យក Tomori បានក្នុងតម្លៃ២៥លានផោន(ស្មើនឹងប្រមាណ៣៥.២លានដុល្លារ) ដោយលោកគ្រូ Pioli បង្ហើបថា Milan អាចមានសមត្ថភាពទិញយកគេបាន៖

គួររម្លឹកផងដែរថា ខ្សែការពារ Fikayo Tomori ជាកីឡាករដែលបណ្ដុះចេញពីថ្នាលយុវជនរបស់ Chelsea តាំងពីឆ្នាំ២០០៥ ហើយឆ្នាំ ២០១៦ គេក៏បានឡើងមកលេងនៅឈុតធំរបស់ Chelsea ប៉ុន្តែត្រូវក្លិបដាក់ឲ្យខ្ចីជើងនៅ Brighton,Hull City ,Derby County និង AC Milan៕

ប្រភព៖ dailymail

Join us📲 : https://t.me/keylatop  ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប