អាល្លឺម៉ង់៖ ខ្សែបម្រើ Javi Martinez បានប្រកាសចាកចេញពីទឹកដី Allianz Arena នៅចប់រដូវកាលនេះស្របពេលកុងត្រារបស់គេជាមួយក្លិបនឹងផុតកំណត់នៅចុងរដូវកាលនេះដូចគ្នា ហើយគេថែមទាំងបានបង្ហើបថាគេនឹងទទួលស្តាប់រាល់សំណើនានាដែលក្លិបផ្សេងដាក់មក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Martinez ចំណាយពេលដល់ទៅ៩ឆ្នាំជាមួយក្លិបម្ចាស់ពាន UCL រដូវកាលមុននេះ ដោយបានឈ្នះពានរង្វាន់ផ្សេងៗជាច្រើន ប៉ុន្តែគេមិនទាន់ដឹងទេថាខ្លួនឯងនឹងចាកចេញទៅលេងឲ្យក្លិបណា។
កីឡាករវ័យ៣២ឆ្នាំនេះបានថ្លែងប្រាប់ Kicker ថា៖
ខ្ញុំទទួលស្តាប់សំណើទាំងអស់ពីក្លិបនានា និងសិក្សាស្វែងយល់ថាជម្រើសណាល្អសម្រាប់ខ្ញុំ។ ខ្ញុំមិនទាន់ដឹងទេ ខ្ញុំនឹងធ្វើការសម្រេចចិត្តកំលុងពេលស្នាក់នៅផ្ទះឯ Ayegui នៅរដូវក្ដៅនេះ។ ជាដំបូង ខ្ញុំនឹងផ្ដោតសមាធិលើការប្រកួតចុងក្រោយទាំងពីរសម្រាប់ក្លិបនិងពិធីលាចុងក្រោយទៅកាន់អ្នកគាំទ្រ។ខ្ញុំមិនច្បាស់ថាខ្លួនឯងអាចលេងបាល់បានប៉ុន្មានឆ្នាំទៀត ប្រហែល១ឆ្នាំ ៣ឆ្នាំ ឬ១០ឆ្នាំ យើងនឹងរង់ចាំមើលប៉ុន្តែខ្ញុំចង់ឲ្យកាយសម្បទាខ្លួនឯងនៅតែរឹងមាំបើទោះបីជាចូលនិវត្តន៍ហើយក្ដី។
Javier Martinez ក្លាយជាកីឡាករដែល Bayern Munich ជះលុយទិញច្រើនបំផុតក្នុងប្រវត្តិសាស្ត្រដោយគេផ្ទេរពី Athletic Club ក្នុងតម្លៃខ្លួន ៤០លានអឺរ៉ូ(ស្មើនឹងប្រមាណ ៤៩លានដុល្លារ) កាលពីឆ្នាំ២០១២ ដែលគេបានបង្ហាញខ្លួន២៦៦ប្រកួត និង រកបាន១៤គ្រាប់ព្រមទាំងបញ្ជូនបាល់ចំនួន១១គ្រាប់។
ចំពោះពានរង្វាន់វិញ ខ្សែបម្រើ Martinez លើកបាន២២ដងជាមួយ Bayern ក្នុងនោះក៏មានពាន Bundesliga ៩ដង និងពាន UCL ២ដង៕
ប្រភព៖ goal
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប
Bong I.T