មកហើយៗ! ទីបំផុត​ខ្សែភាពយន្ត Venomៈ Let There Be Carnage បញ្ចេញវីដេអូខ្លីថ្មីដំបូងជាផ្លូវការ (មានវីដេអូ)

បរទេស៖ Venom គឺជាខ្សែភាពយន្តរបស់ Marvel មួយជាដែលត្រូវបានលក់ ឬផ្ទេរសិទ្ធទៅកាន់ Sony Picture ហើយត្រូវបានក្រុមហ៊ុនយក្សមួយនេះយកមកផលិតទៅជាខ្សែភាពយន្តដែលមានលោក Tom Hardy ចូលរួម​សម្ដែង​ជា Eddie Brock ឬ Venom និងធ្វើការផលិតជាមួយនឹងលោក Avi Arad ដែលជាបុរសម្នាក់ដែលនៅពី​ក្រោយ​ខ្សែភាពយន្ត superhero ល្បីៗជាច្រើនទៀតផង។

ហើយគួអោយដឹងដែលថាខ្សែភាពយន្ត Venom ទទួលបានការគាំទ្រខ្លាំងមែនទែនពីសំណាក់អ្នកទស្សនារហូតរក​ចំណូល​​ចូលក្រុមហ៊ុនពីការលក់សំបុត្របានរហូតដល់ទៅ 856 លានដុល្លាអាមេរិកឯនោះហើយធ្វើយអោយ Sony មិនបង្អង់យូរប្រកាសពីដំណឹងអំពីវត្តមានរបស់វគ្គពីរដែលជាវគ្គបន្ទាប់ពី Venom ដែលបានចេញកាលពីឆ្នាំ២០១៨ នេះដែរ។

យ៉ាងណាមិញក្រោយពីការប្រកាសតាំងពីឆ្នាំ២០១៩ និងការរងចាំយ៉ាងយូរ អំពីវត្តមាននៃខ្សែភាពយន្តរឿង Venom 2 ឬ​ Venom: Let There Be Carnage មកពេលនេះក្រុមហ៊ុន Sony Picture បានទម្លាក់នូវវីដេអូខ្លីដំបូង​បង្អស់​ជាមួយនឹងផ្ទាំងរូបភាព Poster របស់ខ្សែភាពយន្ត​ Anti-Hero ដែលជាសត្រូវរបស់ Peter Parker ឬ Spiderman នេះជាផ្លូវកាលហើយនៅយប់ថ្ងៃទី១០ ខែឧសភា ឆ្នាំ២០២១​ ថ្មីៗនេះដែលជាស្នាដៃដឹកនាំថ្មីរបស់តារា​ជើងចាស់​លោក Andy Serkis ដូចខាងក្រោម៖