ស្ត្រីជនជាតិខ្មែរនៅខេត្តស្វាយរៀងម្នាក់​ ស្លាប់បាត់បង់ជីវិតដោយសារកូវីដ១៩

ស្វាយរៀង៖ យោងតាមសាររំលែកទុក្ខមួយរបស់រដ្ឋបាលខេត្តស្វាយរៀង នៅថ្ងៃទី០៩ ខែឧសភា ឆ្នាំ២០២១នេះ បានឱ្យដឹងថា មានជនជាតិខ្មែរម្នាក់ទៀតហើយ បានទទួលមរណភាព ដោយសារតែវីរុសកូវីដ១៩។

ក្នុងសាររំលែកទុក្ខជូនចំពោះ គ្រួសារសពឈ្មោះ ឯម ជា ជាស្ត្រីជនជាតិខ្មែរ វ័យ ៧២ឆ្នាំ បានទទួលមរណភាព កាលពីថ្ងៃទី០៨ ខែឧសភា កន្លងទៅនេះ ដោយសារតែជំងឺកូវីដ១៩។

ជាមួយគ្នានោះដែរ រដ្ឋបាលខេត្តស្វាយរៀង សម្តែងការសោយស្តាយជាពន់ពេកជាមួយនឹងការបាត់បង់នេះ និង សូមរំលែកទុក្ខដ៏ក្រៀមក្រំនេះជាមួយគ្រួសារសព និង ឧទ្ទិសបួងសួងដល់វិញ្ញាណក្ខន្ធឧបាសិកា ឯម ជា សោយសុខក្នុងសុគតិភពជានិរន្តរ៍ កុំបីឃ្លៀងឃ្លាតឡើយ៕