កូរ៉េខាងត្បូង៖ តារាចម្រៀងនិងតារាសម្ដែង Rain និងភរិយារបស់លោកដែលជាតារាសម្ដែងដូចគ្នាគឺ Kim Taehee បានរៀបការជាមួយគ្នាតាំងពីថ្ងៃទី 19 មករា 2017។ អ្នកទាំងពីរមានកូនពីរនាក់ ហើយពួកគេមានទំនាក់ទំនងក្នុងគ្រួសារយ៉ាងផ្អែមល្ហែមនិងពោរពេញដោយសុភមង្គល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សថ្មីៗនេះប្ដីប្រពន្ធស្រស់ស្អាតមួយគូនេះបានថតពាណិជ្ជកម្មឲ្យកៅអីម៉ាស្សា Bodyfriend ហើយខាងក្រុមការងារបានបង្ហាញពីវីដេអូក្រោយឆាកយ៉ាងគួរឲ្យចាប់អារម្មណ៍។
នៅក្នុងវីដេអូក្រោយឆាកនោះគឺបង្ហាញពីអ្នកទាំងពីរមើលពីការថតរបស់ខ្លួននៅពេលសម្រាក ហើយ Kim Taehee ក៏និយាយថា "ក្លែងក្លាយដល់ហើយ" ចង់សម្ដៅថានៅក្នុងក្លីបពាណិជ្ជកម្មផ្អែមល្ហែមមួយនឹង Rain សម្ដែងមិនដូចចរឹកពិតរបស់គាត់។ ហើយលោក Rain ក៏សួរទៅរបស់ភរិយារបស់ខ្លួនយ៉ាងគួរឲ្យស្រឡាញ់ថា: "បងស្រី មេចក៏និយាយអ៊ីចឹង? ចង់ថានៅផ្ទះខ្ញុំមិនចេះផ្អែមល្ហែមអ៊ីចឹងមែនទេ?"
អ្នកគាំទ្របានដឹងហើយថា Rain មានអាយុប្អូន Kim Taehee ប៉ុន្តែពួកគេមិនធ្លាប់គិតថាគាត់អាចធ្វើឫកពារគួរឲ្យស្រឡាញ់បែបនឹងដាក់ប្រពន្ធសោះ។
ក្លីបរបស់អ្នកទាំងពីរបានទទួលចំណាប់អារម្មណ៍ជាច្រើន។ ទោះបី Rain គឺជាមេគ្រួសារក៏គាត់នៅតែគោរពប្រពន្ធហើយគាត់ហៅនាងថាបងស្រី ឬហៅឈ្មោះរបស់នាងយ៉ាងគួរសម។
ស្នេហាមួយគូរនេះអង្រួនបេះដូងអ្នកគាំទ្រគ្រប់គ្នា ថែមទាំងធ្វើឲ្យមនុស្សស្រីមួយចំនួនចាប់អារម្មណ៍ចង់រៀបការជាមួយមនុស្សប្រុសដែលមានអាយុតិចជាងខ្លួនទៀតផង៕
ប្រភព៖ YouTube