ចិន៖ ឆ្មាមួយក្បាល មានឈ្មោះថា Mao Mao អាយុ២ឆ្នាំ មកពីទីក្រុង Chongqing ប្រទេសចិន អាចរកប្រាក់ចំណូលឲ្យម្ចាស់របស់វា បានយ៉ាងច្រើនជារៀងរាល់ខែ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា ឆ្មាមួយក្បាលនេះ ជាប្រភេទពូជ British Shorthair និងបានក្លាយជាតារាម៉ូដែល ដោយចៃដន្យប៉ុណ្ណោះ។ ចំណែកម្ចាស់របស់វាវិញ មាននាមត្រកូលថា Zhang និងជាអ្នកធ្វើការខាងឧស្សាហកម្មរថយន្ដ ដែលដំបូងឡើយ មានការតាំងពិពណ៌រថយន្ដមួយ ហើយគាត់ក៏បានដាក់ឆ្មានេះ អង្គុយក្នុងរថយន្ដលេង។ ឃើញដូច្នេះ មហាជនជុំវិញនោះ បាននាំគ្នាផ្ដិតយករូបភាពនៃឆ្មាក្នុងរថយន្ដ និងយកទៅបង្ហោះចែកចាយពាសពេញបណ្ដាញសង្គម ដែលធ្វើឲ្យឆ្មាមានភាពល្បីល្បាញយ៉ាងឆាប់រហ័ស។ ក្រោយមក លោក Zhang ក៏បានសម្រេចចិត្តយកឆ្មារបស់ខ្លួនធ្វើជាតារាម៉ូដែលរថយន្ដតែម្ដង។
យ៉ាងណាមិញ សព្វថ្ងៃនេះ ឆ្មា Mao Mao ជាតារាម៉ូដែលសម្រាប់ការដាក់ពិពណ៌រថយន្ដនានា ហើយក្នុងមួយខែម្ចាស់របស់វាទទួលការងារតែបី ទៅបួនដងប៉ុណ្ណោះ ដែលក្នុងមួយដង បានប្រាក់ចំនួន៥,០០០យ័ន ទៅ១០,០០០យ័នឯណោះ (ប្រមាណ៧៧៧ដុល្លារអាមេរិក ទៅ ១,៥៥៥ដុល្លារអាមេរិក)៕
ចង់បានព័ត៌មានបន្ថែម និងរហ័ស សូមចុច៖ https://t.me/khmerload
សូមទស្សនារូបភាពខាងក្រោម៖
ប្រភព: odditycentral.com