ថៃ៖ បើនិយាយពីឈ្មោះតារាសម្តែងស្រីៗចំនួន ៦ រូបខាងក្រោមនេះ ប្រិយមិត្តទាំងអស់គ្នាពិសេសអ្នកចូលចិត្តវិស័យកម្សាន្តថៃប្រាកដជាបានស្គាល់រួចមកហើយ តាមរយៈការសម្តែងនៅក្នុងភាពយន្តភាគល្បីៗជាច្រើនកន្លងមកនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីដែលធ្វើឲ្យមហាជនចាប់អារម្មណ៍នោះគឺតារាស្រីៗទាំង ៦ រូបនេះគឺជាមិត្តភក្តិល្អ មានភាពស្និទ្ធស្នាលខ្លាំង ដែលសាងមិត្តភាពជាមួយគ្នាប្រមាណជាង ១០ ឆ្នាំមកហើយបន្ទាប់ពីពួកគេបានធ្វើការរួមគ្នា។
តើតារាស្រីទាំង ៦ រូបខាងក្រោមនេះជាអ្នកណា?
១. Kimmy Kimberley និង Yaya Urassaya
Kimberley និង Yaya បានរួមការងារជាមួយគ្នាកាលពី ១០ ឆ្នាំមុន បន្ទាប់ពីតារាស្រីទាំងពីរនេះសម្តែងរួមគ្នានៅក្នុងភាពយន្តភាគ «4 Huajai Haeng Khon Kao»។ មិនតែប៉ុណ្ណោះ Kimberley បាននិយាយថា រវាងនាងនិង Yaya គឺជាមិត្តដែលយល់ចិត្តគ្នា និងមានចិត្តដូចគ្នាថែមទៀតផង។
២. Nat Myria និង Anne Thongprasom
សម្រាប់ Nat Myria និង Anne Thongprasom ជាមិត្តភក្តិដែលរាប់អានគ្នាជាង ២០ ឆ្នាំមកហើយ ចាប់តាំងពីតារាស្រីទាំងពីរប្រឡូកក្នុងវិស័យកម្សាន្តថៃដំបូង។
៣. Aum Patchrapa និង May Fuangarom
ដោយឡែកសម្រាប់កំពូលតារាសម្តែងស្រី Aum Patchrapa និង May Fuangarom ក៏ជាមិត្តភក្តិសិល្បៈដ៏ស្និទ្ធស្នាលគ្នាប្រមាណ ១០ ឆ្នាំមកហើយ។ ហើយជារឿយៗតារាស្រីទាំងពីរនេះតែងតែដឹកដៃគ្នាទៅដើរលេងលំហែកាយយ៉ាងសប្បាយរីករាយថែមទៀតផង៕