អ៊ីតាលី៖ មុនជំនួបទល់នឹងក្រុមសេះបង្កង់ Juventus ដែលជាជំនួបសំខាន់ ខ្សែការពារក្រុម AC Milan កីឡាករ Simon Kjaer បានលើកឡើងថា ខ្លួនពិតជារីករាយណាស់ ក្នុងការលេងតទល់នឹងកំពូលខ្សែប្រយុទ្ធ Cristiano Ronaldo ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
បើទោះជាលើទីលាន ជាគូប្រកួតគ្នាមែន ប៉ុន្តែ Kmart ពិតជាមានការគោរពចំពោះ Ronaldo ដោយរូបគេ បានលើកសរសើរ ម្ចាស់ពានបាល់មាស Ballon d’Or ៥សម័យរូបនេះ មិនដាច់ពីមាត់ថា៖
ខ្ញុំតែងតែរីករាយក្នុងការលេងតទល់នឹងគាត់។ ចាប់តាំងពីលើកដំបូង ១១ ឬ ១២ ឆ្នាំកន្លងមក។ គាត់បានផ្លាស់ប្តូរច្រើនបើប្រៀបធៀបទៅនឹងពេលមុន ប៉ុន្តែគាត់តែងតែជា ជើងឯកសម្រាប់ខ្ញុំ មិនចាំបាច់ពិភាក្សាទេ។ គាត់រស់នៅដើម្បីរកគ្រាប់បាល់។ ប្រសិនបើលេង៩០នាទី គាត់នឹងព្យាយាមគ្រប់បែបយ៉ាងដើម្បីស៊ុតបញ្ចូលទី ហើយទាំងនេះជាមូលហេតុ ដែលគាត់តែងតែឈរនៅចំណុចកំពូលនៃ បាល់ទាត់ក្នុងរយៈពេល ១០ ទៅ ១៥ ឆ្នាំចុងក្រោយនេះ។
គួរបញ្ជាក់ដែរថា Juventus នឹងត្រូវបើកទ្វារផ្ទះរបស់ខ្លួន តទល់នឹងក្រុម AC Milan នារាត្រីថ្ងៃអាទិត្យឈានចូលថ្ងៃច័ន្ទខាងមុខនេះ វេលាម៉ោង១:៤៥នាទីរំលងអធ្រាត្រ ខណៈជំនួបនេះអាចរាប់បានថា ជាជំនួបសំខាន់ដើម្បីឲ្យក្រុមទាំង២រក្សាកៅអីក្នុងចំណាត់ថ្នាក់ កំពូលតារាងទាំង៤ (top 4)៕
ប្រភព៖AF
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
Bong I.T