អ៊ីតាលី៖ ក្លិប Roma ដែលបានតែងតាំងលោកគ្រូបង្វឹក Jose Mourinho ជាគ្រូបង្វឹកផ្លូវការចាប់ពីរដូវកាលក្រោយនេះ កំពុងចង់ទិញយក ខ្សែបម្រើ Donny van de Beek ដែលបច្ចុប្បន្នលេងឲ្យក្លិបបិសាចក្រហម Manchester United។
សារព័ត៌មាន Calcio Mercato បានបង្ហើបឲ្យដឹងថា de Beek ជាគោលដៅទីមួយដែល Roma គ្រោងនឹងទិញយកក្រោមការដឹកនាំរបស់លោកគ្រូ Mourinho ហើយអាចនឹងយក Nicolo Zaniola មកធ្វើជាផ្នែកមួយនៃការដោះដូរជាមួយ Manchester Unuted ផងដែរ។
Donny van de Beek ក្លាយជាកីឡាករដែលត្រូវលោកគ្រូបង្វឹក Ole Gunnar Solskjaer មើលរំលងដោយភាគច្រើនគេចំណាយពេលអង្គុយកៅអីបម្រុង និងកម្របានជាប់ជម្រើស១១នាក់ដំបូង ដោយមកទល់ពេលនេះហើយគេរកបានតែ១គ្រាប់គត់។
កុងត្រារបស់កីឡាករសញ្ជាតិហូឡង់រូបនេះនឹងអស់សុពុលភាពៅឆ្នាំ២០២៥ឯណោះ ខណៈដែលមានពាក្យចចាមអារ៉ាមថា Man UTD គ្មានគម្រោងចង់លក់ កីឡាករវ័យ២៤ឆ្នាំរូបនេះឡើយទើបវាជារឿងពិបាកមួយសម្រាប់ Roma ៕
ប្រភព៖ caughtoffside
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
https://t.me/khmerload