លោក Ryan Mason ថាលោកមិនទាន់បាននិយាយរឿងមួយនេះជាមួយប្រធានក្លិប Tottenham នោះទេ

បរទេស៖ អ្នកចាត់ការរបស់មាន់ខ្នាយមាស Tottenham Hotspur លោក Ryan Mason បាននិយាយថា លោកមិនទាន់បាននិយាយជាមួយប្រធានក្លឹប លោក Daniel Levy ទាក់ទងអំពីការងាររយៈពេលវែងរបស់លោកក្នុងនាមជាអ្នកចាត់ការ Tottenham នៅឡើយទេ។ លោក Ryan Mason បាននិយាយថា លោកមានទំនាក់ទំនងដ៏ល្អជាមួយប្រធានក្លឹប ហើយលោកក៏បានថ្លែងអំណរគុណដល់លោក Daniel Levy ដែលផ្ដល់ឧកាសឲ្យលោកដឹកនាំក្លឹបផងដែរ ក៏ប៉ុន្តែលោកបានប្រាប់ថា លោកមិនទាន់បាននិយាយអំពីអនាគតរបស់លោកនៅ Spurs នៅឡើយទេ។

លោកបន្តទៀតថា លោកជាមួយនិងប្រធានក្លឹបមិនទាន់បាននិយាយអ្វីផ្សេងក្រៅពីរឿងប្រកួតដែលនៅសេសសល់ឡើយ។ លោកក៏បានបញ្ជាក់ដែរថា នៅពេលនេះលោកគ្រាន់តែចង់ផ្ដោតទៅលើការប្រកួតប៉ុណ្ណោះ មិនទាន់ចង់គិតពីរឿងអ្វីផ្សេងឡើយ៕