អេស្ប៉ាញ៖ ឪពុករបស់កីឡាករ Thibaut Courtois លោក Thierry Courtois បានចេញមុខរិះគន់ចំពោះអាកប្បកិរិយារបស់ Eden Hazard ដែលកីឡាករសញ្ជាតិបេលហ្សិករូបនេះបង្ហាញកាយវិការសើចសប្បាយរីករាយជាមួយកីឡាកររបស់ Chelsea ក្រោយបញ្ចប់ការប្រកួត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ កាលពីរាត្រីថ្ងៃពុធកន្លងទៅ Real Madrid បានរងបរាជ័យក្រោមថ្វីជើងរបស់ Chelsea ក្នុងលទ្ធផល ២ទល់នឹង០ ធ្វើឲ្យពួកគេធ្លាក់ចេញពីការប្រកួតក្នុងពានរង្វាន់ Champions League នៅវគ្គ៤ក្រុមចុងក្រោយ។ យ៉ាងណាក្តីក្រោយបញ្ចប់ការប្រកួត Hazard ទទួលបានការរិះគន់ខ្លាំងមែនទែនពីសំណាក់អ្នកគាំទ្របន្ទាប់ពីរូបគេបាននិយាយលេងជាមួយនឹងទឹកមុខសើចសប្បាយជាមួយកីឡាករ Kurt Zouma និង Edouard Mendy ប្រៀបដូចជាមិនសោកស្តាយចំពោះលទ្ធផលមិនល្អទាល់តែសោះ។
លោក Thierry បាននិយាយថា៖
Hazard មិនបានគិតឲ្យដិតដល់មុននឹងធ្វើវាឡើយ ប៉ុន្តែ រូបភាពទាំងនោះបានធ្វើឲ្យអ្នកគាំទ្រ Real Madrid ឈឺចាប់ណាស់។ ប្រសិនបើអ្នកឃើញកីឡាករឈរសើចចំនួនពីរនាទីក្រោយធ្លាក់ចេញពីការប្រកួត នោះ អ្នកមិនមែនជាកីឡាករអាជីពឡើយ៕
ប្រភព៖ sportskeeda
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
Bong I.T