តើ Chelsea​ និង Man City ប្រជែងគ្នាចុះហត្ថលេខាលើ Robert Lewandowski មែនទេ?

បរទេស៖ តាមសេចក្តីរាយការណ៍មួយបានឲ្យដឹងថា ក្លិបតោខៀវ Chelsea និង Manchester City ប្រជែងគ្នាក្នុងការចុះហត្ថលេខាលើខ្សែប្រយុទ្ធ Robert Lewandowski របស់ក្លិប Bayern Munich អំឡុងពេលទីផ្សារដោះដូរកីឡាករនារដូវកាលខាងមុខនេះ។

កីឡាករវ័យ ៣២ ឆ្នាំរូបនេះបានរីករាយនឹងការប្រកួតដ៏អស្ចារ្យសម្រាប់ក្រុមម្ចាស់ជើងឯកអាល្លឺម៉ង់ដោយរកបាន ៤៣ គ្រាប់និងជំនួយ ៨ដងបង្ហាញខ្លួនបាន ៣៧ លើកនៅក្នុងការប្រកួតទាំងអស់។

Lewandowski នៅសល់តែរយៈពេល ២ ឆ្នាំទៀតទេ​ នឹងត្រូវបន្តការចុះកុងត្រាជាថ្មីរបស់គាត់នៅឯ Allianz Arena យោងតាមគេហៈទំព័រ ESPN បានអោយដឹងថា ខ្សែប្រយុទ្ធជនជាតិប៉ូឡូញរូបនេះបច្ចុប្បន្ននេះមិនទាន់ត្រូវបានគេសំរេចចិត្តលើអនាគតរបស់គាត់នៅឡើយទេ។

បើតាមរបាយការណ៏មួយអះអាងថាក្រុមតោខៀវ Chelsea និង Man City កំពុងពិនិត្យមើលទម្រង់លែងរបស់ខ្សែប្រយុទ្ធរូបនេះ អាចនឹងឈានដល់ការចុះហត្ថលេខានៅរដូវកាលដោះដូរកីឡាករនៅរដូវកាលខាងមុននេះ។

ក្រុម Bayern បានប្តេជ្ញាចិត្តរក្សា ខ្សែប្រយុទ្ធ Lewandowski ប៉ុន្តែដោយសារផ្នែកហិរញ្ញវត្ថុទើប ធ្វើអោយក្រុម Bayernដាក់លក់ក្នុងតម្លៃ ៦០ ផោន (៥២ លានផោន)។

គួរឱ្យដឹងដែរថា ខ្សែប្រយុទ្ធរូបនេះរកគ្រាប់បាល់បាន ២៨៩ គ្រាប់នឹងបង្ហាញខ្លួនបាន ៣២៦ ប្រកួតសម្រាប់ Der FCB ចាប់តាំងពីបានមកដល់ពី Borussia Dortmund កាលពីខែកក្កដាឆ្នាំ ២០១៤ ៕