បរទេស៖ លោក Ole Gunnar Solskjaer ហាក់មិនសប្បាយចិត្តឡើយដែលក្រុមរបស់គាត់ត្រូវតតាំងជាមួយក្រុមផ្សេងៗរហូតដល់ទៅបួនដងក្នុងគម្លាតគ្នាត្រឹម ៨ ថ្ងៃរួមទាំងការប្រកួតជាមួយ Liverpool និង Leicester ដែលមានគម្លាតត្រឹម ៥០ ម៉ោងប៉ុណ្ណោះ។ ទាក់ទងនឹងកាលវិភាគដ៏មមាញញឹកនេះ លោក Ole អ្នកចាត់ការរបស់បិសាចក្រហមក៏បាននិយាយដែរថា ក្នុងស្ថានភាពបែបនេះ លោកត្រូវតែគិតពីកីឡាកររបស់លោក ដូចនេះការជ្រើសរើសកីឡាករនឹងមានការប្រែប្រួលច្រើន ដោយប្រកួតខ្លះលោកនឹងយកក្រុមដែលពោពេញទៅដោយកីឡាករល្អ ហើយការប្រកួតខ្លះទៀតលោកនឹងដាក់ជំនួសដោយកីឡាករមិនសូវសំខាន់ជាដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកក៏បាននិយាយដែរថា ការធ្វើបែបនេះអាចប៉ះពាល់ដល់ក្រុមផ្សេងៗដែលកំពុងប្រជែងកៅអី UEFA Champion League តែលោកគិតថានេះជាបញ្ហារបស់ពួកគេហើយមិនមែនជាអ្វីដែលលោកគួរបារម្មណ៍ឡើយ។ លោកក៏បានបញ្ជាក់ផងដែរថា គ្មានកីឡាករណាអាចលេង ៩០ នាទីពេញក្នុងពីរប្រកួតជាប់គ្នាដែលមានគម្លាតពេលវេលាបែបនេះទេ ហើយលោកក៏មិនប្រថុយដែរ ព្រោះលោកបារម្មណ៍ខ្លាចកីឡាកររបស់លោករបួស៕