ក្លិបលីគទីពីររបស់ប្រទេសថៃបង្ហោះរូបរបស់កីឡាករ ច្រឹង ពលរដ្ឋ អមជាមួយពាក្យ «Coming Soon»

បរទេស៖ កាលពីយប់មិញនេះក្លិបបាល់ទាត់ MOF United នៃលីគទីពីររបស់ប្រទេសថៃ បានបង្ហោះរូបរបស់កីឡាករ ច្រឹង ពលរដ្ឋ លើបណ្តាញសង្គមហ្វេសបុកដោយបានភ្ជាប់ជាមួយពាក្យ “Coming Soon” សម្រាប់រដូវកាល ២០២១-២០២២ ខាងមុខនេះ។ ស្របពេលផងដែលកុងត្រារបស់កីឡាករ ច្រឹង ពលរដ្ឋ ជាមួយក្លិបបាល់ទាត់វិសាខានៅសល់រហូតដល់ឆ្នាំ ២០២៤ ។

យ៉ាងណាមិញ ក្លិបលីគទី២ MOF Custom United ទំនងជាអាចចរចាជាមួយវិសាខាក្នុងលក្ខខ័ណ្ឌខ្ចីជើង ឬអាចទិញផ្តាច់កុងត្រាក៏ថាបាន។ គួររំលឹកថាកាលពីឆ្នាំ ២០១៨ កីឡាករ ច្រឹង ពលរដ្ឋ អតីតកីឡាករក្រសួងការពារជាតិរូបនេះក៏ធ្លាប់ត្រូវបានផ្ទេរក្នុងលក្ខខ័ណ្ឌខ្ចីជើង ២រដូវកាលទៅក្លិប Buriram United តែត្រូវបានខាងក្លិបបញ្ចប់កុងត្រាវិញ ដោយសារបញ្ហារបួសជង្គង់មិនទាន់ជាសះស្បើយ១០០ភាគរយ៕