ប្រសើរណាស់! ប្រទេសថៃនឹងចាក់វ៉ាក់សាំងកូវីដ-១៩ របស់ចិនជូនមនុស្សចាស់នៅទូទាំងប្រទេស

ថៃ៖ ឧបនាយករដ្ឋមន្រ្តីនិងជារដ្ឋមន្រ្តីសុខាភិបាលសាធារណៈលោក Anutin Charnvirakul បាននិយាយកាលពីថ្ងៃសុក្រថាប្រទេសថៃនឹងចាប់ផ្តើមចាក់វ៉ាក់សាំងដល់មនុស្សវ័យចំណាស់ដែលមានអាយុចាប់ពី ៦០ ឆ្នាំឡើងទៅជាមួយនឹងវ៉ាក់សាំងកូវីដ-១៩ ដែលបង្កើតដោយក្រុមហ៊ុន Sinovac របស់ប្រទេសចិន។

លោក Anutin បានធ្វើការប្រកាសនៅក្នុងសន្និសីទកាសែតបន្ទាប់ពីគណៈកម្មាធិការជាតិប្រយុទ្ធនឹងជំងឺឆ្លងបានអនុម័តការប្រើប្រាស់វ៉ាក់សាំងចិនទៅលើប្រជាជនដែលមានអាយុចាប់ពី ៦០ ឆ្នាំឡើងទៅនៅក្នុងប្រទេស។

លោកបាននិយាយថារដ្ឋាភិបាលគ្រោងនឹងចាក់វ៉ាក់សាំងកូវីដ-១៩ ចំនួន ២,៥ លានដូល្លាក្នុងខែនេះ ហើយបានរៀបចំទីតាំងចំនួន ៨២ កន្លែងនៅរដ្ឋធានីបាងកកនិងទីតាំងប្រហែល ៣០០ កន្លែងនៅតាមខេត្តផ្សេងទៀតសម្រាប់ការចាក់វ៉ាក់សាំង។

សេចក្តីប្រកាសនេះបានធ្វើឡើងនៅពេលដែលប្រទេសនេះបានប្រឈមនឹងការផ្ទុះឡើងនូវជំងឺដ៏សាហាវបំផុតចាប់តាំងពីមានការរាតត្បាតបានកើនឡើងច្រើនជាងទ្វេដងកាលពីខែមុនដែលមានរហូតដល់ចំនួន ៧៨,៨៥៥ នៅថ្ងៃសុក្រនេះ។

ប្រទេសក្នុងតំបន់អាស៊ីអាគ្នេយ៍មួយនេះបានចាប់ផ្តើមកម្មវិធីចាក់វ៉ាក់សាំងថ្នាក់ជាតិរបស់ខ្លួននៅក្នុងខែកុម្ភៈហើយមានគោលបំណងចាក់វ៉ាក់សាំងឲ្យបាន ៧០% នៃប្រជាជនជិត ៧០ លាននាក់របស់ខ្លួនមុនដំណាច់ឆ្នាំនេះ៕

ប្រភព៖ Xinhua News