ម៉ាឡេស៊ី៖ ក្លិប Red Star Belgrade សមាជិកនៃលីគកំពូលស៊ែប៊ី បានប្រកាសនឹងបើកថ្នាល់យុវជនក្លិបផ្ទាល់ នៅក្នុងប្រទេសម៉ាឡេស៊ី ដើម្បីធ្វើជាទីតាំងសាខាក្លិបក្នុងការប្រមូលយុវជនមានសមត្ថភាពនៅទូទាំងតំបន់អាស៊ីអាគ្នេយ៍។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមការប្រកាសផ្លូវការលើបណ្តាញគណនីសង្គម Twitter ផ្ទាល់របស់ក្លិបខាងលើ បានឲ្យដឹងថា ក្លិប និងដៃគូក្នុងប្រទេសម៉ាឡេស៊ី បានចុះកិច្ចព្រមព្រៀងជាស្ថាពរលើគម្រោងបង្កើតថ្នាល់យុវជនក្លិបនៅក្នុងប្រទេសអាស៊ីអាគ្នេយ៍មួយនេះ។
ក្នុងនោះផងដែរ ចំពោះគោលបំណងដែលបានជ្រើសរើសម៉ាឡេស៊ី ជាទីតាំងសាខារបស់ក្លិបក្នុងគោលបំណងជំរុញការបណ្តុះបណ្តាលសមត្ថភាពកីឡាករវ័យក្មេង និងការផ្តល់ឱកាសឲ្យកីឡាករទូទាំងអាស៊ីអាគ្នេយ៍ មានសង្ឃឹមក្នុងការបោះជំហានទៅប្រកបអាជីពនាតំបន់អឺរ៉ុប ក្នុងពេលអនាគត។
ក្រៅពីនេះ បច្ចុប្បន្នភាពក្លិបខាងលើក៏មានកីឡាករសញ្ជាតិម៉ាឡេស៊ីម្នាក់ឈ្មោះ Omar Raiyan Kama Azlan ដែលកំពុងលេងឲ្យឈុត U-17 ក្លិបរួមផង។
គួរឲ្យដឹងផងថា ក្នុងរដូវកាល ២០២០/២១ នេះ Red Star Belgrade បានឈ្នះជើងឯកលីគកំពូលស៊ែប៊ី ព្រមទាំងឈ្នះជើងឯកពានរង្វាន់ខាប់ប្រចាំប្រទេសផងដែរ ខណៈរដូវកាលក្រោយនឹងបង្ហាញខ្លួនក្នុងវគ្គជម្រុះពានកម្រិតទ្វីបអឺរ៉ុប UEFA Champions League ៕