Eriksen បាននិយាយថា ការឈ្នះពានវាពិតជាពិបាកណាស់សម្រាប់រូបគេ មុនពេលចូលរួមជាមួយ Inter Milan

បរទេស៖ បន្ទាប់ពី Inter Milan អាចលើកពាន Serie A ជាលើកដំបូងក្នុងរយៈពេល ១១ ឆ្នាំកីឡាករ Christian Eriksen បាននិយាយថា ការឈ្នះពានវាពិតជាពិបាកណាស់សម្រាប់រូបគេមុនពេលចូលរួមជាមួយ Inter Milan ។ បន្ទាប់ពីរូបគេបានសារភាពបែបនេះហើយ រូបគេក៏បាននិយាយផងដែរថា ពេលនេះប្រហែលជាចំណុចដ៏ល្អបំផុតក្នុងអាជីពជាកីឡាករបាល់ទាត់របស់រូបគេទៀតផង។ រូបគេក៏បានបន្តដែរថា កីឡាករ Inter គ្រប់ៗរូបពិតជាបានសិក្សាជាច្រើនពីលោក Antonio Conte ហើយពួកគេគ្រប់ៗគ្នាសុទ្ធតែសប្បាយរីករាយដែលអាចឈ្នះពានក្រោមការដឹកនាំរបស់រូបលោក។ 

គួរបញ្ជាក់ផងដែរថា Christian Eriksen បានចូលរួមជាមួយ Inter Milan កាលពីខែមករាដើមឆ្នាំនេះ ហើយពេលនេះរូបគេបានក្លាយជាសមាជិកដ៏សំខាន់មួយរូបក្នុងការជួយ Inter Milan ដើម្បីស្គាល់ជាតិពានរង្វាន់ Serie A ជាលើកទីមួយក្នុងរយៈពេល ១១ ឆ្នាំទៀតផង៕