អង់គ្លេស៖ យោងតាមប្រសាសន៍របស់លោក Ole Gunnar Solskjaer បានឱ្យដឹងថា កីឡាករ Mason Greenwood គេមិនដែលបានជំទាស់ម្តងណាឡើយនៅពេលដែលលោកដាក់ឱ្យគេអង្គុយនៅកៅអីបម្រុង, ខណៈអ្នកចាត់ការសញ្ជាតិ ន័រវេស បានបន្ថែមថាគេជាយុវជនម្នាក់ដែលមានអកប្បកិរិយាគួរឱ្យគោរព។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករវ័យ ១៩ ឆ្នាំគឺជាថ្នាលដែលដុះចេញពីក្រុមបិសាចក្រហមផ្ទាល់តែម្តង ហើយនៅក្នុងរដូវកាលនេះគេបង្ហាញខ្លួនបាន ១៩ លើកនៅ Premier League, មិនត្រឹមតែប៉ុណ្ណោះគេក៏បានចូលរួមចំណែកយ៉ាងធំធេងផងដែរ ក្នុងការរុញច្រានឱ្យ Man UTD មានកៅអីឡើងមកដល់វគ្គផ្តាច់ព្រ័ត្រ Europa League។
ដក់ស្រង់ប្រសាសន៍របស់លោក Ole Gunnar Solskjaer ពី Website ផ្លូវការណ៍របស់ក្លិបបានឱ្យដឹងថា៖
គ្រប់ប្រកួតគឺតែងតែមានរឿងលំបាកជានិច្ច ព្រោះថាខ្ញុំគឺពិបាកសម្រេចចិត្តនឹងជ្រើសរើសកីឡាករណាម្នាក់សម្រាប់ជម្រើស ១១ នាក់ដំបូង ដោយសារតែពួកយើងមានកីឡាករល្អៗច្រើន។ ហើយវាក៏តែងតែមានការអាកអន់ចិត្តផងដែរ នៅពេលដែលកីឡាករណាម្នាក់មិនបានជាប់ជម្រើសដំបូង។ ខ្ញុំគិតថា Mason ជាកីឡាករម្នាក់ដែលអកប្បកិរិយាល្អ និង ស្តាប់បង្គាប់។ គាត់មិនដែលរអ៊ូរទាំម្តងណាឡើយ នៅពេលដែលខ្ញុំដាក់ឱ្យគាត់អង្គុយកៅអីបម្រុង។ គាត់បានជួយយើងយ៉ាងច្រើនក្នុងការប្រកួតជាមួយ Spurs និង Roma ជាដើម ហើយគាត់ក៏រកបានគ្រាប់បាល់សម្រាប់ការប្រកួតទាំងពីរនឹងផងដែរ ក្នុងនោះគាត់ក៏តែងតែបង្ហាញឥរិយាបថល្អផងដែរ៕
ប្រភព៖ Goal
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម:
https://t.me/khmerload
Bong I.T