Man Utd បាន​ឡើង​ប្រកួតវគ្គផ្ដាច់ព្រ័ត្រ Europa League ទោះប្រកួតចាញ់ Roma យប់មិញនេះក៏ដោយ​

អង់គ្លេស៖ ក្លិប Manchester United បាន​ប្រកួតចាញ់ក្លិប Roma នៅ​ក្នុង​ក្របខ័ណ្ឌ UEFA Europa League ពាក់កណ្ដាល់ផ្ដាច់ព្រ័ត្រជើងទី២ ក្នុងលទ្ធផល ២-៣ យប់មិញ​នេះ​។

Man Utd បាន​រក​បាន​ ២គ្រាប់​ដោយ​ខ្សែប្រយុទ្ធ Edinson Cavani នៅ​នាទីទី៣៩ម្ដង និង​នាទីទី៦៨ម្ដង។ រីឯ Roma វិញ​រក​បាន​ ៣គ្រាប់​ដោយ​ខ្សែប្រយុទ្ធ Edin Dzeko នៅនាទីទី៥៧ ខ្សែបម្រើ Bryan Cristante នៅនាទីទី៦០ និងខ្សែការពារ Alex Telles នៅនាទីទី៨៣។

ទោះ​ចាញ់នៅ​ក្នុង​ប្រកួតខាង​លើ​មែនតែ Man Utd នៅតែអាចឡើង​ប្រកួតវគ្គផ្ដាច់ព្រ័ត្រ ដោយហេតុថា កាលពីប្រកួតខាងលើជើងទី១ ក្លិបនេះ បាន​ឈ្នះ Roma ៦-២។ ដូច្នេះនៅពេល​បូកពិន្ទុសរុប​ទៅ Man Utd បាន​ឈ្នះ Roma ក្នុងលទ្ធផល ៨-៥។

Man Utd នឹង​ឡើង​ប្រកួត​នឹង Villarreal ក្នុងប្រកួតវគ្គផ្ដាច់ព្រ័ត្រ UEFA Europa League នៅថ្ងៃទី២៧ ខែឧសភា ឆ្នាំ២០២១ខាង​មុខ៕

ប្រភព៖ Sky Sports