Eden Hazard ចេញមុខសុំទោសអ្នកគាំទ្រ Real Madrid ជាសាធារណៈហើយ ក្រោយបានចូលរួមធ្វើរឿងនេះ

បរទេស៖ ទីបំផុតម្ចាស់អាវលេខ ៧ របស់ស្ដេចសរ Real Madrid កីឡាករ Eden Hazard បានចេញមុខមកសុំទោសអ្នកគាំទ្រជាសាធារណហើយ បន្ទាប់ពីបានចូលរួមសើចអបអរជាមួយអតីតមិត្តរួមក្រុមនៅពេលដែល Chelsea ទម្លាក់ Real Madrid ចេញពី UEFA Champion League ក្នុងវគ្គពាក់កណ្ដាលផ្ដាច់ព្រ័ត្រ។

រូបគេបានផុសនៅក្នុងគណនី Instagram របស់គេថា ខ្ញុំសុំទោសអ្នកគាំទ្រទាំងអស់គ្នា ខ្ញុំពុំមានចេតនាក្នុងការបង្ហកំហឹងដល់អ្នកគាំទ្រ Real Madrid នោះទេ ខ្ញុំស្រឡាញ់ក្លិបមួយនេះណាស់ហើយមូលហេតុដែរខ្ញុំមកទីនេះគឺមកដើម្បីឈ្នះ។ រូបគេក៏បានបន្តដែរថា នៅពេលនេះរដូវកាលមិនទាន់បញ្ចប់ទេ យើងនៅសល់ពានរង្វាន់ La Liga មួយទៀតហើយនៅពេលនេះគឺយើងត្រូវប្រឹងប្រែងដើម្បីប្រជែងយកវាឲ្យបាន៕