តើអនាគតរបស់ Salah នៅ Liverpool នឹងក្លាយជាយ៉ាងណា ក្រោយក្លិបធ្វើរឿងមួយនេះដាក់គេ?

បរទេស៖ អនាគតខ្សែប្រយុទ្ធសំខាន់របស់ហង្សក្រហម Liverpool កីឡាករ Mohamed Salah ហាក់ស្ថិតនៅក្នុងភាពស្រពេចស្រពិលក្រោយមានពាក្យចចាមអារ៉ាមពីដំណឹងនៃការចាកចេញរបស់គេជាច្រើន។ ទោះបីជាមានដំណឹងថាក្លិបយក្ស Real Madrid ក្លិបអ្នកមានបុណ្យ Barcelona និងក្លិបអ្នកមាន PSG ចាប់អារម្មណ៍លើរូបគេក្តី ក៏រូបគេបានចេញមុខមកបញ្ជាក់ថា គេមិនទាន់ដឹងច្បាស់ពីអនាគតរបស់គេឡើយ ព្រោះគ្មាននរណាម្នាក់នៅ Liverpool មកនិយាយជាមួយគេអំពីរឿងនេះឡើយ។ 

រូបគេក៏បាននិយាយផងដែរថា រយៈពេលយូរដែលហើយដែរគ្មាននរណាម្នាក់មកនិយាយពីរឿងនេះជាមួយខ្ញុំទេ ដូចនេះខ្ញុំក៏មិនដឹងថាត្រូវនិយាយអ្វីឲ្យបានច្រើនដែរ ។ 

គួរបញ្ជាក់ផងដែរថា Salah នឹងក្លាយជាគោលដៅទីមួយសម្រាប់ PSG ប្រសិនបើ Kylian Mbappe ឬ Neymar ពិតជាចាកចេញពីក្លឹបអ្នកមានបារាំងមួយនេះមែន៕