លោក Special One ចង់បានកីឡាករ២រូបពីក្រុម Spurs និង១រូបពីក្រុម Man UTD ទៅតាមគាត់នៅអ៊ីតាលី

បរទេស៖ បន្ទាប់ពីចុះកុងត្រាថ្មីជាក្លិបអ៊ីតាលី AS Roma រហូតដល់ឆ្នាំ២០២៤ លោក Jose Mourinho មានគម្រោងចង់នាំយកកីឡាករសំណព្វចិត្តរបស់លោកចំនួន២រូបពីក្រុម Tottenham Hotspur និង១រូបពីក្រុម Man U មកតាមលោកនៅកាន់ក្លិប AS Roma នារដូវការក្រោយ ហើយកីឡាករទាំងបីនោះគឺ Eric Dier, Pierre-Emile Hojbjerg និង Mata ។

បច្ចុប្បន្នកីឡាករសញ្ជាតិអង់គ្លេស Eric Dier នៅសល់កុងត្រាជាមួយក្រុម Spurs រហូតដល់ឆ្នាំ ២០២៤ ចំណែកឯកីឡាករ Pierre-Emile Hojbjerg សញ្ជាតិដាណឺម៉ាកដែលលោក Mourinho បាននាំយកពីក្រុម Southampton នៅរដូវការនេះកាលលោកនៅដឹកនាំក្រុម Spurs នៅសល់កុងត្រារហូតដល់ឆ្នាំ ២០២៥ ។ ដូច្នេះប្រសិនបើក្រុម AS Roma ចង់បានពួកគាត់ទាំងពីរគឺត្រូវតែទិញផ្តាច់កុងត្រាពីក្រុម Spurs ចំណែកកីឡាករសញ្ជាតិអេស្បាញ Juan Mata កុងត្រារបស់គាត់នឹងផុតកំណត់នាចុងឆ្នាំ ២០២១ នេះ៕