លោក Tuchel បានស្នើឲ្យ Chelsea តាមទិញយកអតីតកូនក្រុមរបស់ខ្លួនម្នាក់ទៀតមករួមក្រុម

បរទេស៖ ក្រោយយកបានខ្សែការពារជើងចាស់ Thiago Silva ពីក្លិប Paris Saint-Germain មករួមក្រុមកាលពីឆ្នាំមុន ពេលនេះក្លិបតោខៀវ Chelsea កំពុងតែតាមចរចាទិញយកខ្សែការពារ របស់ក្លិបបារាំងមួយនេះម្នាក់ទៀតនោះគឺកីឡាករ Marquinhos ។

បើតាមគេហទំព័រ Sunday World បានបន្ថែមទៀតថាលោក Thomas Tuchel ជាអ្នកដែលបានប្រាប់ទៅថ្នាក់ដឹកនាំក្លិប Chelsea ឲ្យតាមផ្ទេរយកកីឡាករជម្រើសជាតិប្រេស៊ីលរូបនេះ ដែលជាអតីតកូនក្រុមរបស់លោកកាលនៅដឹកនាំ PSG មករួមក្រុមឲ្យបាននៅទីផ្សារដោះដូររដូវក្ដៅខាងមុខ។ គួរឲ្យដឹងដែរថាកីឡាករវ័យ២៦ឆ្នាំ Marquinhos អាចនឹងមានតម្លៃខ្លួនដល់ទៅជាង៧០លានផោន ខណៈដែលកុងត្រារបស់គេជាមួយ PSG នៅសល់ដល់ឆ្នាំ២០២៤ខាងមុខឯណោះ។

ប្រភព៖ sportsmole