កូរ៉េខាងត្បូង៖ ល្ងាចថ្ងៃទី ៦ ឧសភា នេះ ខាងព័ត៌មានរបស់កូរ៉េខាងត្បូងបានធ្វើការរាយការណ៍មកម្ដងទៀតថា មានអ្នកដឹកនាំរឿងភាគកូរ៉េជាច្រើនកំពុងព្យាយមទាក់ទងទៅ V ដើម្បីបានគាត់ធ្វើជាតួក្នុងរឿងរបស់ពួកគេ ដោយអះអាងថាអាចឲ្យតម្លៃខ្លួនរហូតដល់ 445ពាន់ដុល្លារក្នុងមួយភាគ។ ប៉ុន្តែដោយសារតែការងារក្នុងក្រុម BTS រវល់ពេកនេះ តម្លៃខ្លួននឹងអាចឡើងថ្លៃជាងនឹងទៅទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រជាជនកូរ៉េខាងត្បូងមានការចាប់អារម្មណ៍លើសម្រស់ល្អពិត និងសមត្ថភាពក្នុងការសម្ដែងរបស់ V ខ្លាំងណាស់ទើបគ្រប់គ្នាតែងទន្ទឹងរង់ចាំរឿងភាគដំបូងរបស់គាត់ដោយដើរតួជាតួឯក។ ដោយសារប្រជាប្រិយភាពនេះហើយទើបអ្នកដឹកនាំរឿងជាច្រើនព្យាយាមទាក់ទង V ដើម្បីឲ្យមកថតរឿងរបស់ពួកគេ នោះនឹងមានអ្នកតាមដានច្រើនជាមិនខាន។ មិនត្រឹមតែអ្នកដឹកនាំក្នុងប្រទេសនោះទេ សូម្បីតែអ្នកដឹកនាំក្រៅប្រទេសក៏មានចំណាប់អារម្មណ៍ និងមុខមាត់ព្រមទាំងឬកពាររបស់គេផងដែរ ហើយពួកគេនិយាយថា មនុស្សដែលមានរាងរៅដូចជា V បែបនេះគឺសក្តិសមនឹងធ្វើជាតួវេមផាយ៍ដែលគេហៅថា «បិសាចជញ្ជក់ឈាម» ខ្លាំងបំផុត។
អ្នកដឹកនាំរឿងបានបន្តទៀតថា ពួកគេមិនងាយរកតួប្រុសឯណាដែលសក្តិសមនឹងដើរតួជាបុរសល្អស្លូតត្រង់ផង និងជាបិសាចជញ្ជក់ឈាមផងនោះទេ។ បើសិនជា V ព្រមទទួលសំណើររបស់ពួកគេ នោះ V អាចនឹងពង្រីកប្រជាប្រិយភាព និងការងារជាសិល្បករកាន់តែធំ។ គេនឹងមិនមែនត្រឹមតែជា V សមាជិក BTS នោះទេ គេនឹងអាចក្លាយទៅជាតារាសម្ដែង Kim Taehyung ដ៏មានប្រជាប្រិយភាពមួយផងដែរ។
ការសម្ដែងក៏ជាសិល្បៈមួយដែល V ចូលចិត្ត។ ពិតជាចង់ដឹងណាស់ថាតើនៅពេលខាងមុខគាត់ព្រមទទួលថតរឿងភាគ ឬអត់៕