កូរ៉េខាងត្បូង៖ Spotify គឺជាកម្មវិធីស្ដាប់ចម្រៀងខ្នាតពិភពលោកដែលមានចំនួនអ្នកចូលស្ដាប់ប្រចាំថ្ងៃរាប់លានអ្នក ដែលពេលនេះ Spotify កំពុងតែពង្រីកទីផ្សាររបស់ខ្លួនតាមប្រទេសកាន់តែច្រើនថែមទៀតហើយ។ កាលពីខែកុម្ភៈកន្លងទៅថ្មីៗនេះ Spotify បានបើកនៅប្រទេសកូរ៉េខាងត្បូងជាលើកដំបូង ហើយក៏ស្ទុះឡើងយ៉ាងលឿនក្លាយជាកម្មវិធីចម្រៀងចំណាត់ថ្នាក់ទី ៦ របស់កូរ៉េខាងត្បូង ឈរប្រជែងជាមួយកម្មវិធីចាស់ៗផ្សេងៗទៀតរបស់កូរ៉េ។ សូម្បីតែមុនពេលបើកជាផ្លូវការនៅកូរ៉េក៏មានអ្នកគាំទ្រទូទាំងពិភពលោកជាច្រើនចូលរួមស្ដាប់បទចម្រៀងរបស់តារាចម្រៀងកូរ៉េយ៉ាងសន្ធឹកសន្ធាប់ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនេះជាតារាចម្រៀងកូរ៉េទាំង ៥ រូប ដែលមានចំនួនអ្នក follow ច្រើនជាងគេនៅក្នុង Spotify ៖
១. V (BTS)
V សមាជិកក្រុម BTS មានចំនួន ៣លាន followers និងចំនួនអ្នកស្ដាប់ប្រចាំខែ 1.9លាននាក់។ ជាមួយបទចម្រៀងជា OST តែពីរបទ គាត់បានក្លាយជាអ្នកជាតារាទី ៥ ដែលមានអ្នក follow ច្រើនបំផុត ហើយបទ Sweet Night មានចំនួន 125M stream ហើយមកដល់ពេលនេះ។
២. IU
IU គឺជាតារាចម្រៀងនារីតែម្នាក់គត់នៅក្នុងចំណោមទាំង ៥ នាក់ហើយនាងមានចំណាត់ថ្នាក់ទី ៤ ជាតារាកូរ៉េដែលមានចំនួន follower ច្រើនបំផុត។ IU មាន 3.9លាន followers និងអ្នកស្ដាប់ប្រចាំខែចំនួន 5.9លាននាក់។ ជាមួយនឹងalbum ថ្មីទើបនឹងចេញគឺ LILAC កញ្ញា IU ក៏កាន់តែមានប្រជាប្រិយភាពខ្លាំងបន្ថែុមទៀតក្នុង Spotify។
៣. AGUSTD (BTS)
AGUSTD គឺជាឈ្មោះមួយទៀតរបស់ SUGA របស់ក្រុម BTS ហើយគាត់មានគណនេយ្យ Spotify ចំនួនពីរគឺ SUGA និង AGUSTD ប៉ុន្តែដោយសារគាត់មានបទចម្រៀងក្រោមឈ្មោះ AGUSTD ច្រើនជាងទើបធ្វើឲ្យគណនេយ្យឈ្មោះ AGUSTD មានប្រជាប្រិយភាពជាង។ AGUSTD មានចំនួន 4.6លាន followers និងអ្នកស្ដាប់ប្រចាំខែចំនួណ 2.6លាននាក់។ ថ្មីៗនេះ mixtape D-2 របស់គាត់ទើបតែទទួលបានការ stream ចំនួន ១០០លានដង។
៤. RM (BTS)
ចំណាត់ថ្នាក់ទី ២ គឺបានទៅលើប្រធានក្រុមរបស់ BTS គឺ RM។ គាត់មានចំនួន 5.3លាន followers និងអ្នកស្ដាប់ប្រចាំថ្ងៃចំនួន 2.3លាននាក់។ ថ្មីៗនេះគាត់ទើបតែចេញបទចម្រៀងជាមួយលោក eAeon មានចំណងថា Don't ដែលជាបទស្នេហាកម្សត់អង្រួនបេះដូងអ្នកស្ដាប់ឲ្យឈឺចាប់ជាមួយផងដែរ។
៥. J-HOPE (BTS)
តារាចម្រៀងកូរ៉េដែលមានចំនួន followers ច្រើនបំផុតនោះគឺ J-Hope មកពីក្រុម BTS។ គាត់ឈរនៅលេខ ១ ជាមួយនឹងចំនួនអ្នក follow ចំនួន 5.9លាន followers និងអ្នកស្ដាប់ប្រចាំខែចំនួន ២លាននាក់។ បទចម្រៀង solo ដែលមានអ្នកស្ដាប់ច្រើនបំផុតនោះគឺបទ Chicken Noodle Soup
ចំនួនអ្នកស្ដាប់ប្រចាំខែគឺគិតទៅតាមបទចម្រៀងដែលពួកគេមានក្រោមឈ្មោះរបស់ពួកគេតែម្នាក់ ក្នុងនាមជាតារា solo៕
ប្រភព៖ ALLKPOP