Jose សម្លឹងឃើញកូនមាន់ខ្នាយមាស ២រូបបន្ទាប់ពីចូលមកដឹកនាំ Roma

បរទេស៖ លោក Jose Mourinho ដែលជាអ្នកចាត់ការថ្មីរបស់ Roma បានបង្ហាញពីចំណាប់អារម្មណ៍ក្នុងការនាំយកកីឡាកររបស់ Tottenham Hotspur ពីររូបដែលមានដូចជាកីឡាករ Eric Dier និងកីឡាករ Pierre-Emile Hojbjerg មកចូលរួមជាមួយលោក។ កីឡាករពីររូបនោះក៏ធ្លាប់ជាអតីតកូនក្រុមសំណព្វរបស់លោក Jose កាលពីនៅដឹកនាំក្រុមមាន់ខ្នាយមាស Spurs ផងដែរ។ លោក Jose Mourinho ត្រូវបានតែងតាំងជាអ្នកចាត់ការរបស់ Roma យ៉ាងភ្ញាក់ផ្អើលក្នុងគោលបំណងស្រោចស្រង់ក្លឹបឡើងវិញ ហើយបច្ចុប្បន្ននេះរូបលោកកំពុងតែសម្លឹងមើលអតីតកូនក្រុមរបស់លោកជាមុនសិនដើម្បីយកពួកគេមកធ្វើការជាមួយលោក។

គួរបញ្ជាក់ផងដែរថា ទាំងកីឡាករ Eric Dier និងកីឡាករ Pierre-Emile Hojbjerg សុទ្ធតែកីឡាករដែលមានតម្លៃខ្លួនទាបសម្រាប់ Roma និងជាកីឡាករដ៏ស័ក្តសមបំផុតសម្រាប់លេងក្នុងប្រព័ន្ធរបស់លោក Jose Mourinho ៕