ប្រទេសកាណាដាសម្រេចឱ្យប្រើប្រាស់វ៉ាក់សាំងកូវីដ-១៩ Pfizer-BioNTech លើកុមារ

កាណាដា៖ កាលពីថ្ងៃពុធកន្លងទៅ និយតករសុខភាពរបស់ប្រទេសកាណាដាបានអនុញ្ញាតឱ្យប្រើប្រាស់វ៉ាក់សាំងកូវីដ-១៩សម្រាប់ក្មេងដែលមានអាយុចាប់ពី១២ទៅ១៥ឆ្នាំ របស់ក្រុមហ៊ុន Pfizer។

លោកស្រីវេជ្ជបណ្ឌិត Supriya Sharma ជាប្រធានទីប្រឹក្សាផ្នែកសុខភាពកាណាដា បាននិយាយថា វ៉ាក់សាំងរបស់ Pfizer ត្រូវបាននិយតករសុខភាពរបស់កាណាដាបានរកឃើញថាមានសុវត្ថិភាព និងប្រសិទ្ធភាពក្នុងការប្រឆាំងនឹងវីរុសកូវីដ-១៩ នៅពេលប្រើប្រាស់ទៅលើកុមារ។

លោកស្រីបន្ថែមថា ក្រុមហ៊ុនអាមេរិក Pfizer ជាមួយនឹងដៃគូសហការអាល្លឺម៉ង់ BioNTech នឹងត្រូវតម្រូវអោយផ្តល់ព័ត៌មានបន្ថែមទៀតពីសុវត្ថិភាព ប្រសិទ្ធិភាព និងគុណភាពលើកុមារដែលមានអាយុពី១២ទៅ១៥ឆ្នាំ៕