Yuqi ក្រុម G-IDLE នឹងលេចមុខជាតារាចម្រៀងទោលក្នុងពេលឆាប់ៗនេះ

កូរ៉េខាងត្បូង៖ Yuqi ដែលជាសមាជិកជនជាតិចិនរបស់ក្រុមនារី G-IDLE នៃផលិតកម្ម CUBE បានប្រកាសពីចេញបទចម្រៀងទោលរបស់ខ្លួន ដែលប្រព្រឹត្តទៅនាពេលឆាប់ៗនេះ។

នៅយប់ថ្ងៃទី៥ ខែឧសភានេះផងដែរ ខាងហ្វេសប៊ុកជាផ្លូវការរបស់ G-IDLE បានបញ្ចេញនូវរូបភាពពញ្ញាក់អារម្មណ៍មួយ ដោយវាទាក់ទងនឹងការលេចមុខជាតារាចម្រៀងទោលរបស់ Yuqi ដែលបទចម្រៀងនៅមានចំណងជើងថា "A page"។ សម្រាប់ការបរិច្ឆេទនៃការចេញបទនេះ គឺនៅថ្ងៃទី១៣ ខែឧសភា ខាងមុខនេះ។ 

គួរបញ្ជាក់ផងដែរថា Yuqi គឺជាសមាជិកទី១ របស់ G-IDLE ដែលលេចមុខជាតារាចម្រៀងទោលនេះ៕