បរទេស៖ ក្រុមហ៊ុន Blue Origins របស់លោក Jeff Bezos បានប្រកាសកាលពីថ្ងៃពុធថា ក្រុមហ៊ុននឹងបញ្ជូនក្រុមអវកាសយានិកដំបូងរបស់ខ្លួនទៅកាន់ទីអវកាសនៅថ្ងៃទី20 ខែកក្កដា ដោយប្រើយានអវកាសទេសចរណ៍ New Shepard។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមហ៊ុន Blue Origin មិនទាន់បើកការលក់សំបុត្រឬចេញផ្សាយពីតម្លៃជើងហោះហើរតាម New Shepard នៅឡើយទេ ប៉ុន្តែខ្លួននឹងរៀបចំការដេញថ្លៃជាសាធារណៈ សម្រាប់កៅអីមួយនៅលើការហោះហើរដំបូងនេះ។
ការដេញថ្លៃតាមអ៊ិនធើណេតនឹងដំណើរការរហូតដល់ថ្ងៃទី19 ខែឧសភា ហើយការដេញថ្លៃអាចឡើងដល់50,000 ដុល្លារ ដោយក្រុមហ៊ុនត្រូវការព័ត៌មានបញ្ជាក់អត្តសញ្ញាណបន្ថែម និងប្រាក់កក់10,000ដុល្លារសម្រាប់ការដេញថ្លៃខ្ពស់ៗផងដែរ។ បន្ទាប់មក ចាប់ពីថ្ងៃទី19 ឧសភា តទៅ Blue Origin នឹងបើកការដេញថ្លៃជាសាធារណៈ មុនពេលការដេញថ្លៃអនឡាញចុងក្រោយមួយទៀតនៅថ្ងៃទី12 ខែមិថុនា។
យាន New Shepard ត្រូវបានរចនាឡើងដោយអាចដឹកមនុស្សបានចំនួន6នាក់ក្នុងមួយជើង។ យាននេះមានបង្អួចធំៗ សម្រាប់ឱ្យអ្នកដំណើរអាចមើលឃើញទេសភាពនៅទៅអវកាសផងដែរ។
Join us: https://t.me/khmerload