អឺរ៉ុប៖ អ្នកចាំទីក្លិប Real Madrid កីឡាករ Thibaut Courtois បាននិយាយពាក្យអបអរសាទរ និង ជូនពរទៅកាន់ក្លិប Chelsea សម្រាប់ការឡើងទៅកាន់វគ្គផ្តាច់ព្រ័ត្រនៃពានរង្វាន់ Champions League។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Courtois ធ្លាប់បានចំណាយពេលប្រាំពីររដូវកាលជាមួយ Chelsea មុនផ្លាស់មកកាន់ Real Madrid កាលពីឆ្នាំ២០១៨។ នៅយប់មិញនេះ កីឡាករសញ្ជាតិបេលហ្សិកខាងលើបានប្រឈមមុខជាមួយនឹងក្លិបចាស់របស់ខ្លួនជាថ្មីក្នុងការប្រកួតជើងទីពីរនៃពានរង្វាន់ Champions League ប៉ុន្តែជាលទ្ធផល គឺ Real Madrid បានទទួលរង់បរាជ័យក្នុងលទ្ធផល ២ទល់នឹង០ និង ត្រូវបានជ្រុះចេញក្នុងវគ្គ៤ក្រុមចុងក្រោយយ៉ាងសោកស្តាយ។
Courtois បាននិយាយថា៖
Chelsea គឺ ជាក្លិបដ៏អស្ចារ្យ ហើយ ខ្ញុំបានចំណាយពេលវេលាដ៏ល្អជាច្រើនឆ្នាំនៅទីនោះ។ ខ្ញុំពិតជាចង់ឈ្នះណាស់ ប៉ុន្តែ ពួកយើងធ្វើវាមិនបាន។ យ៉ាងណាក្តី ខ្ញុំនឹងគាំទ្រ Chelsea ក្នុងការប្រកួតវគ្គផ្តច់ព្រ័ត្រ ហើយ ខ្ញុំសូមជូនពរឲ្យពួកគេទទួលបានជោគជ័យ៕
ប្រភព៖ metro
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
Bong I.T