បរទេស៖ បណ្តាអ្នកគាំទ្រខ្សែស្រឡាយរឿង Spider-Man មានចំណាប់អារម្មណ៍យ៉ាងខ្លាំងចំពោះពាក្យចចាមអារាមដែលថា តួអង្គ Spider-Man សេរីចាស់លោក Tobey Maguire និង Andrew Garfield នឹងចូលរួមសំដែងជាមួយតួ Spider-Man ជំនាន់ថ្មី Tom Holland ក្នុងពហុចក្រវាល (Multiverse) នៃខ្សែភាពយន្តថ្មីដែលមានចំណងជើង Spider-Man No Way Home ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបុរសវ័យ ៣៧ ឆ្នាំដែលសំដែងជាតួរ Peter Parker ក្នុងរឿង The Amazing Spider-Man វគ្គ១ និង និងវគ្គ២ លោក Andrew Garfield បានបញ្ជាក់ច្បាស់ៗហើយជុំវិញពាក្យចចាមអារាមនេះថា គាត់នឹងមិនបានចូលរួមសម្តែងក្នុងរឿង Spider-Man No Way Home ទេ ហើយក៏បានស្នើរសុំដល់អ្នកគាំទ្រអោយចៀសវាងមានការយល់ច្រលំពីពាក្យចចាមអារ៉ាមនេះ។
ថ្លែងនៅក្នុងបទសម្ភាសន៍មួយលោក Andrew Garfield បានឲ្យដឹងថា ៖
គួរឲ្យដឹងផងដែរថា Villains ដើមទាំង២ដែលយើងបានឃើញក្នុងរឿង Spider-Man សេរីចាស់ ត្រូវបានបញ្ជាក់ច្បាស់ហើយថានឹងបង្ហាញខ្លួនម្តងទៀតក្នុងវគ្គ No Way Home នេះ ។ លោក Alfred Molina នឹងត្រលប់មកសម្តែងជាតួមនុស្សដៃមឹក Otto Octavius ដដែល ខណៈដែល Jamie Foxx ក៏នឹងត្រលប់មកសម្តែងជាមនុស្សអគ្គីសនី Electro ដដែលផងដែរ នៅក្នុងវគ្គ No Way Home នេះ ។
ហេតុផលនេះហើយទើបធ្វើឲ្យបណ្តាអ្នកគាំទ្រជាច្រើនយល់ថាអាចនឹងឃើញការឆ្លងចក្រវាល (Multiverse) របស់ Spider-Man សេរីចាស់ដែលសំដែងដោយ Tobey Maguire និង Andrew Garfield មកជុំចក្រវាលរួមគ្នាជាមួយ Spider-Man ដែលសម្តែងដោយ Tom Holland ក្នុងវគ្គ No Way Home នេះ ៕