តើលោក Leonardo គិតយ៉ាងណាចំពោះអនាគត Neymar និង Mbappe ក្រោយធ្លាក់ចេញពី UCL?

បរទេស៖ លោក Leonardo ប្រធានផ្នែកកីឡារបស់ក្លឹបអ្នកមាន Paris Saint-German ត្រូវបានគេសួរអំពីអនាគតរបស់កីឡាករកំពូលទាំងពីរដែលមាន Neymar និង Mbappe ក្រោយពីក្រុមរបស់លោកបានធ្លាក់ចេញពីពានរង្វាន់ UEFA Champion League ត្រឹមវគ្គបួនក្រុមចុងក្រោយក្រោមថ្វីដៃរបស់មេឃខៀវ Manchester City ។ លោកបាននិយាយថា ពេលវេលានេះមិនមែនជាពេលដែលត្រូវនិយាយអំពីអនាគតរបស់ពួកគេទេ។ លោកបន្តទៀតថា យើងគ្មានអ្វីត្រូវគិតឡើយ ព្រោះពួកយើងពិតជាមានសុដ្ឋិនិយមថាពួកគេនឹងនៅទីនេះ។ 

គួរបញ្ជាក់ផងដែរថា កាលពីរាត្រីកន្លងទៅក្រុមអ្នកមានរបស់បារាំងបានរងបរាជ័យក្រោមមេឃខៀវ Manchester City របស់អង់គ្លេសក្នុងលទ្ធផលពីរទល់នឹងសូន្យ ធ្វើឲ្យពួកគេធ្លាក់ចេញពីពានរង្វាន់ UEFA Champion League ត្រឹមវគ្គបួនក្រុមចុងក្រោយ៕