កាលពីពេលថ្មីៗនេះ ស្ថាបនិករបស់ក្រុមហ៊ុន Microsoft លោក Bill Gate បានប្រកាស់ជាផ្លូវការនូវដំណឹងលែងលះគ្នាជាសាធារណៈក្រោយពីរៀបការរួមរស់ជាមួយគ្នាអស់រយៈពេល២៧ឆ្នាំ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសេដ្ឋីបច្ចេកវិទ្យារូបនេះ បានប្រកាសលើគណនីបណ្តាញសង្គម Twitter របស់ខ្លួនយ៉ាងដូច្នេះថា៖
រំលឹកពីទំនាក់ទំនងស្នេហាដំបូងរបស់អ្នកទាំង២ Bill Gates និង Melinda Gates បានចាប់ផ្តើមទាក់ទងគ្នាក្នុងអំឡុងឆ្នាំ១៩៨៧ បន្ទាប់ពីបានជួបគ្នាក្នុងពិព័រណ៍ពាណិជ្ជកម្មមួយនៅទីក្រុង New York ។ បន្ទាប់ពីចាប់ផ្តើមមានទំនាក់ទំនងនឹងគ្នា អ្នកស្រី Melina Gates បានចាប់ផ្តើមធ្វើការក្នុងនាយកដ្ឋានទីផ្សា ក្នុងក្រុមហ៊ុន Microsoft ដែលជាក្រុមហ៊ុនដែលមាន Bill Gates ជាស្ថាបនិក ហើយក្រោយមកអ្នកស្រីក៏បានឡើងជា នាយកចាត់ការទូទៅនៃផលិតផលព័ត៌មាន (General Manager of Information Products) ក្នុងឆ្នាំ១៩៩០ ។
ក្រោយក្រោយមក Bill Gates និង Melinda Gates ដែលមានកូនបីនាក់ជាមួយគ្នា បានរៀបការនៅថ្ងៃទី១ ខែមករា ឆ្នាំ១៩៩៤ នៅកោះហាវ៉ៃ ហើយបានរស់នៅក្នុងវិមាន Xanadu 2.0 ដ៏ល្បីល្បាញរបស់ពួកគេដែលមើលពីលើ Lake Washington នៅរដ្ឋ Medina ។ ក្រោយមកនៅឆ្នាំ១៩៩៦ អ្នកស្រី Melinda Gates ក៏បានលាឈប់ពីការងារដើម្បីមើលថែគ្រួសារនៅផ្ទះ ។
គួរឲ្យដឹងផងដែរថា លោក Bill Gates និង អ្នកស្រី Melinda Gates បានបង្កើតអង្គការសប្បុរសធម៌មួយរួមគ្នាក្នុងឆ្នាំ២០០០ ដែលមានឈ្មោះថា Bill and Melinda Gates Foundation ដែលសព្វថ្ងៃបានក្លាយជាអង្គការសប្បុរសធម៌ធំបំផុតមួយលើពិភពលោកដោយមានមូលនិធិប្រមាណជិត ៥០ ពាន់លានដុល្លារ ៕