ចេញម្នាក់ទៀតហើយ! Bayern ប្រកាសពីការចាកចេញរបស់​វីរ​បុរស​ម្នាក់

ក្លឹបយក្ស Bayern Munich បានប្រកាសជាផ្លូវការថា វីរបុរសរបស់ក្លឹបម្នាក់កីឡាករ Javi Martinez នឹងចាកចេញ​ពីក្លឹបនៅចុងរដូវកាលនេះ។ តាំងពីចូលរួមជាមួយ Bayern កាលពីឆ្នាំ ២០១២ មកកីឡាករខ្សែបម្រើការពាររូបនេះ បានបង្ហាញខ្លួនឲ្យក្រុមបាន ១៦៣ ដងនិងរកគ្រាប់បាល់បាន ៩ គ្រាប់ទៀតផង ។ នៅក្នុងរយៈពេល ៩ ឆ្នាំជាមួយ​ក្លឹប កីឡាករដែលមានកម្ពស់ ១.៩៣ ម៉ែត្ររូបនេះបានឈ្នះពានរង្វាន់ Bundesliga ចំនួន ៨ ដងហើយប្រសិនបើ Bayern ឈ្នះពានមួយនេះនៅក្នុងរដូវកាលនេះទៀត រូបគេនឹងឈ្នះពាននេះ ៩ ដងនៅក្នុង ៩ រដូវកាលជាប់គ្នា ។ 

គួរបញ្ជាក់ផងដែរថា ក្លឹបបានប្រកាសពីការចាកចេញរបស់កីឡាកររូបនេះបន្ទាប់ពីកុងត្រារបស់គេមិនត្រូវបានបន្ត ហើយនឹងផុតនៅរដូវក្តៅនេះ៕