ប្រេស៊ីល៖ ក្លិបនៅក្របខណ្ឌប្រេស៊ីល Serie A បាននិយាយថា គ្រូបង្វឹកជនជាតិអាហ្សង់ទីនលោក Juan Pablo Vojvoda ត្រូវបានតែងតាំងជាគ្រូបង្វឹករបស់ក្លិប Fortaleza សម្រាប់ការប្រគួតដែលនៅសេសសល់នៃរដូវកាលឆ្នាំ ២០២១ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបុរសវ័យ ៤៥ ឆ្នាំរូបនេះត្រូវជំនួសលោក Enderson Moreira ដែលត្រូវបានបណ្តេញចេញពីតំណែងកាលពីថ្ងៃទី ២៥ ខែមេសាបន្ទាប់ពីដឹកនាំក្លិបទទួលលទ្ធផលមិនបានល្អ។
ស្ថាបនិកក្លិប Fortaleza លោក Marcelo Paz បាននិយាយនៅលើគេហទំព័រផ្លូវការរបស់ក្លឹបថា "យើងកំពុងស្វែងរកអ្នកដែលនៅក្មេងជាមួយនឹងវិធីសាស្រ្តទំនើបដែលធ្វើការជាមួយបច្ចេកវិទ្យានិងសិក្សាគូប្រជែង។ គាត់បំពេញតាមតម្រូវការទាំងអស់នេះ" ។
លោក Vojvoda បានឈប់ធ្វើការតាំងពីខែកុម្ភៈនៅពេលដែលគាត់បានចែកផ្លូវជាមួយក្លិប Union La Calera ដែលគាត់បានដឹកនាំឲ្យឈានទៅឈរនៅលំដាប់ទី ២ ក្នុងព្រឹត្តិការណ៍ Primera Division ឆ្នាំ ២០២០ របស់ប្រទេសឈីលី។
ក្នុងអាជីពជាអ្នកគ្រប់គ្រងនិងគ្រូបង្វឹករយៈ ៨ ឆ្នាំរបស់លោក ក្នុងនោះក៏រួមបញ្ចូលទាំងការទទួលបន្ទុកដឹកនាំក្លិបកំពូលៗរបស់អាហ្សង់ទីនមួយចំនួនផងដែរដូចជា៖ ក្លិប Newell's Old Boys, Talleres, Defensa y Justicia និងក្លិប Huracan ។
ក្លិប Fortaleza នឹងចាប់ផ្តើមយុទ្ធនាការប្រគួតក្នុងក្របខណ្ឌប្រេស៊ីល Serie A ឆ្នាំ ២០២១ របស់ពួកគេជាមួយនឹងការប៉ះគ្នាជាមួយក្លិប Atletico Mineiro នៅថ្ងៃទី ៣០ ខែឧសភាខាងមុខនេះ៕
ប្រភព៖ Xinhua News