អឺរ៉ុប៖ Riyad Mahrez និង Phil Foden បានបង្កើតភាពអស្ចារ្យសម្រាប់ក្រុម Manchester City ប៉ុន្តែវាគឺជារាត្រីដែលត្រូវភ្លេចចោលសម្រាប់ Ángel Di María និង PSG ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សឥឡូវនេះ យើងមកមើលពីការវិភាគ និងវាយតម្លៃលើកម្រិតនៃការលេងរបស់កីឡាកររបស់ក្រុមទាំងពីរ ។
១. ក្រុម Manchester City ទម្រង់លេង (៤-៤-២)៖
Ederson (៩ពិន្ទុ) បានបញ្ជូនបាល់ពីចម្ងាយជិត ៦០ ម៉ែត្រដ៏អស្ចារ្យមួយ ដើម្បីនាំឱ្យមានការបើកការវាយលុកហើយបានបញ្ចប់ទៅដោយទទួលបានលទ្ធផលដ៏ជាទីគាប់ចិត្តមួយនៅចំពោះមុខគាត់។
Kyle Walker (៦ពិន្ទុ) បានបិទ Neymar យ៉ាងជិត ហើយយើងមានមោទនភាពចំពោះការចូលរួមចំណែករបស់គាត់ក្នុងការការពារដ៏ល្អ។
John Stones (៩ពិន្ទុ) គាត់បានបង្ហាញវត្តមានដ៏អស្ចារ្យមួយនៅផ្នែកកណ្តាល ដែលវាជាជំនាញអាជីពរបស់គាត់ហើយធ្វើឱ្យគាត់លេងបានកាន់តែប្រសើរឡើង។
Rúben Dias (៩ពិន្ទុ) បានដឹកនាំឆ្មាំការពារយ៉ាងពូកែ ដោយជនជាតិព័រទុយហ្កាល់រូបនេះបានរារាំងបាល់នៅពេលមានការវាយបកម្តងៗ ប្រកបដោយទំនុកចិត្ត។
Oleksandr Zinchenko (៨ពិន្ទុ) គឺជាអ្នកដែលដើរតួរសំខាន់បំផុតក្នុងការរកគ្រាប់បាល់របស់ Mahrez ដោយទទួលបាល់របស់ Ederson ។ គាត់មានភាពឆ្លាតវៃក្នុងការស្វែងរកចន្លោះប្រហោងដើម្បីបញ្ជូនបាល់។ គាត់គឺជាខ្សែបម្រើប្រកបដោយទេពកោសល្យ។
Riyad Mahrez (១០ពិន្ទុ) បានបញ្ចប់ទីយ៉ាងស្អាតនៅក្នុងតង់នីមួយៗ ដើម្បីធានាថា Man City ឡើងទៅវគ្គផ្តាច់ព្រ័ត្រ European Cup លើកដំបូងរបស់ពួកគេ។ កីឡាករជនជាតិអាល់ហ្សេរីរូបគឺជាខ្សែប្រយុទ្ធដ៏ខ្លាំងក្លា។
Fernandinho (៨ពិន្ទុ) ប្រកួតវគ្គពាក់កណ្ដាលផ្ដាច់ព្រ័ត្រយប់មិញ គឺចំថ្ងៃកំណើតអាយុ ៣៦ឆ្នាំរបស់គាត់ ហើយបានផ្តល់ឱ្យខ្សែបម្រើកណ្តាលរូបនេះ នូវការបំពេញតួនាទីដ៏ចាំបាច់ក្នុងការធ្វើជាប្រធានក្រុម។
Ilkay Gündogan (៨ពិន្ទុ) គាត់តែតែត្រៀមខ្លួនរួចរាល់ជានិច្ចក្នុងការទទួល និងបញ្ជូនបាល់ទៅទីធ្លាចង្អៀត និងជាកីឡាករដែលមានចក្ខុវិស័យគឺល្អបំផុត។
Phil Foden (៩ពិន្ទុ) កីឡាករខ្សែបម្រើរូបនេះ មានអាយុទើប ២០ ឆ្នាំ តែបានបង្កើតឱកាសគ្រាប់បាល់លើកទី ២ របស់ Mahrez ហើយសមនឹងទទួលបានការឱបពីលោក Guardiola នៅពេលដែលចូលជំនួស។
Kevin De Bruyne (៩ពិន្ទុ) គាត់តែងតែខ្លាំងដូចរាល់ដង ការកើនឡើងទម្រង់លេងដ៏ខ្លាំងក្លារបស់ខ្សែបម្រើកណ្ដាលប៊ែលហ្សិករូបនេះ បានធ្វើឲ្យ Paris Saint-Germain បាត់បង់ទម្រង់លេង។
Bernardo Silva (៧ពិន្ទុ) ធ្វេសប្រហែសធ្វើឱ្យ Di María សុ៊តបាល់ ប៉ុន្តែបានបិទផ្នែកខាងមុខរារាំងមិនឱ្យក្រុមបារាំងឡើងរួច ដូចលេខ ៩ ដែរ។
២. ក្រុម Paris Saint-Germain ទម្រង់លេង (៤-៣-៣)
Keylor Navas (៦ពិន្ទុ) មិនបណ្ដោយឱកាសសម្រាប់គ្រាប់បាល់របស់ក្រុម Man City ទេ ប៉ុន្តែអ្នកចាំទីរូបនេះប្រាកដជាបានខកចិត្តខ្លាំងហើយ ដោយភាពទន់ជ្រាយរបស់មិត្តរួមក្រុម។
Alessandro Florenzi (៤ពិន្ទុ) បានបង្កកំហុសក្នុងមុខតំណែង ធ្វើឱ្យ Zinchenko រកឃើញចន្លោះនៅខាងស្តាំសម្រាប់គ្រាប់បាល់នាំមុខរបស់ Mahrez ។
Marquinhos (៦ពិន្ទុ) តែតបាល់ចំរបារទី ប៉ុន្តែប្រធានក្រុមរូបនេះ ត្រូវបានក្រុម Man City វាយបកវិញយ៉ាងខ្លាំងហើយដឹងថា City គឺជាអ្នកឈ្នះដ៏សក្តិសម។
Presnel Kimpembe (៣ពិន្ទុ) លេងដូចងងុយគេង ពេលក្រុម Man City វាយបកម្ដងៗ ហើយជាពិសេសការដាក់សម្ពាធដ៏ខ្លាំងពី Jesus ។
Abdou Diallo (6ពិន្ទុ) ខ្សែការពារផ្នែកខាងឆ្វេងបានបង្ហាញថាមពលនិងព្យាយាមផ្តួចផ្តើមការវាយប្រហារនៅពេលដែលគាត់អាចធ្វើបាន ប៉ុន្តែគាត់មានភាពទន់ខ្សោយ។
Ander Herrera (៤ពិន្ទុ) បានបង្ហាញពីកង្វះខាតច្រើនក្នុងនាមជាខ្សែបម្រើកណ្ដាល ហើយជនជាតិអេស្បាញរូបនេះមិនមានប្រសិទ្ធិភាពនៅក្នុងការប្រកួតនោះទេ។
Leandro Paredes (៣ពិន្ទុ) មានការដាក់សម្ពាធខ្លាំងពីក្រុម Man City ហើយមិនគួរមានមោទនភាពចំពោះស៊ុតបាល់ពីចំងាយលើក្បាលរបស់ Foden ឡើយ។
Marco Verratti (៤ពិន្ទុ) ជនជាតិអុីតាលីមានឥទ្ធិពលតិចតួចពីតួនាទីកណ្តាលហើយបានបាត់បង់ជំនឿចិត្ត នៅពេលក្រុមត្រូវបានគេនាំមុខ។
Angel Di Maria (១ពិន្ទុ) បានឆ្លុះបញ្ចាំងពីឱកាសមាសដើម្បីតាមស្មើវិញ មុនពេលទទួលបានកាតក្រហម ពេលប៉ះទង្គិចនឹង Fernandinho ។
Mauro Icardi (៤ពិន្ទុ) ខ្សែប្រយុទ្ធអាហ្សង់ទីនបានលេងជំនួស Kylian Mbappé ក្នុងតំបន់ប្រយុទ្ធ តែមិនអាចរកគ្រាប់បានរហូតដល់ត្រូវជំនួស។
Neymar (៧ពិន្ទុ) បានបញ្ចប់វគ្គពាក់កណ្តាលផ្តាច់ព្រ័ត្រ ដោយបានត្រឹមបង្ហាញទេពកោសល្យដ៏អស្ចារ្យរបស់គាត់ ដែលជាការអាម៉ាស់មួយ៕