ក្ដៅៗ រកឃើញអ្នកវិជ្ជមានកូវីដ-១៩ ធ្លាប់ទៅទិញថ្នាំ នៅឱសថស្ថានមួយកន្លែង ក្បែរគល់ស្ពានច្បារអំពៅថ្មី

ភ្នំពេញ៖ យោងតាមសេចក្ដីជូនដំណឹងរបស់ អនុគណៈកម្មការស្រាវជ្រាវជំងឺកូវីដ១៩ នៅរសៀលថ្ងៃទី ០៤ ខែឧសភានេះ អនុគណៈកម្មការ ប្រកាសរកឃើញ អ្នកវិជ្ជមានកូវីដ១៩ រស់នៅភូមិដើមចាន់ សង្កាត់ច្បារអំពៅទី២ ធ្លាប់ទៅទិញថ្នាំនៅ ឱសថស្ថាន សួស្ដី ដែលមានទីតាំងស្ថិតនៅផ្ទះលេខ ​១៥៣ ​ផ្លូវលេខ ​៣៦៩ ​(ក្បែរគល់ស្ពានច្បារអំពៅថ្មី) ។

អាស្រ័យហេតុនេះ សូមបងប្អូនប្រជាពលរដ្ឋ ដែលបានទៅទីតាំងខាងលើនេះ នៅថ្ងៃទី៣ ខែឧសភា ឆ្នាំ២០២១ ពេលព្រឹក សូមដាក់ខ្លួនដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនេះ៕

សម្រាប់ព័ត៌មានបន្ថែម សូមចុច៖ https://t.me/khmerload

ប្រភព៖ អនុគណៈកម្មការស្រាវជ្រាវជំងឺកូវីដ១៩