អង់គ្លេស៖ លោក Roy Keane បានលើកឡើងថា បានទទូចឲ្យ Manchester United ទិញយកកីឡាករ Jack Grealish ហើយ ប្រសិនជាអាចលោកនឹងដោះដូរ Paul Pogba ជាមួយ កីឡាករ Aston Villa ខាងលើនៅថ្ងៃស្អែកតែម្តង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Grealish តែងតែមាននូវពាក្យចចាមអារ៉ាមក្នុងការផ្លាស់មកកាន់កីឡដ្ឋាន Old Trafford ដើម្បីជំនួសតំណែងរបស់ Pogba ដែលមានពាក្យលេចឮថាអាចនឹងចាកចេញក្រោយបញ្ចប់រដូវកាលនេះ។ Grealish គឺ ជាកីឡាករសញ្ជាតិអង់គ្លេសដែលបង្ហាញទម្រង់លេងល្អមែនទែនក្នុងរយៈពេលប្រាំខែដំបូងនៃរដូវកាលថ្មីដោយរូបគេបានជួយឲ្យ Aston Villa ស្ថិតនៅក្នុងកំពូលតារាងទាំងបួន។ យ៉ាងណាក្តីដោយសារបញ្ហារបួសកាលពីខែកុម្ភៈកន្លងទៅ រូបគេក៏បានខកខានជួយក្រុមធ្វើឲ្យ Aston Villa រកបានតែ១២ពិន្ទុប៉ុណ្ណោះក្នុងចំណោមការប្រកួតចំនួន១១ដង។
លោក Keane បាននិយាយថា៖
តើ Pogba បានជួយអ្វីខ្លះក្នុងរយៈពេល ២-៣ ឆ្នាំចុងក្រោយនេះ? តើគេបានជួយឲ្យក្រុមខិតជិតនឹងឈ្នះពានរង្វាន់ Premier League ឬ អត់? ច្បាស់ណាស់ គឺ អត់ទេ។ ខ្ញុំអាចនឹងប្តូរយក Grealish ជាមួយគាត់នៅថ្ងៃស្អែក។ អ្នកអាចនិយាយពី Pogba បាន ប៉ុន្តែនៅពេលដែលក្រុមត្រូវការធ្វើវាឲ្យបាន គឺ ពួកគេមិនដែលសម្រេចបានម្តងណាឡើយ។ ប្រសិនបើទិញបាន Grealish មែន Man Utd គួរឲ្យតែអនុញ្ញាតឲ្យ Pogba ចាកចេញទៅ៕
ប្រភព៖ dailymail
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖
Bong I.T