បរទេស៖ អ្នកចាត់ការរបស់ក្លឹបសេះបង្កងលោក Andrea Pirlo បានបេជ្ញាចិត្តថា លោកនឹងដឹកនាំ Juventus ដើម្បីឈ្នះពានរង្វាន់ Serie A វិញនៅរដូវកាលក្រោយ បន្ទាប់ពីរបូតពានរង្វាន់លីគទៅកាន់ Inter Milan ជាលើកដំបូងក្នុងរយៈពេល ១០ ឆ្នាំ។ លោកបាននិយាយថា លោកសូមចូលរួមអបអរសាទរចំពោះការឈ្នះពានរបស់ Inter ពួកគេពិតជាសមនឹងទទួលពានមួយនេះ ចំណែកឯពួកយើងវិញ យើងត្រូវតែផ្លាស់ប្ដូរ ទោះជាក្រុមរបស់យើងបានបាត់បង់វានៅរដូវកាលនេះក្តី ក៏យើងត្រូវតែព្យាយាមដើម្បីឈ្នះវានៅរដូវកាលក្រោយដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកក៏បានបន្តដែរថា នៅក្នុងរដូវកាលនេះគោលដៅដ៏ធំបំផុតរបស់យើងនៅពេលនេះគឺការបញ្ចប់ក្នុងតារាង Top 4 ដើម្បីធានាកៅអី UEFA Champion League នៅរដូវកាលក្រោយ៕
គួរបញ្ជាក់ដែរថា ពេលនេះពួកគេកំពុងតែស្ថិតនៅលេខរៀងទី៤ នៃតារាង Serie A ដែលមាននាំមុខក្រុម Napoli ដែលស្ថិតនៅលេខ៥ ចំនួន២ ពិន្ទុ៕