អឺរ៉ុប៖ បន្ទាប់ពីឆ្នាំ ២០២០ ត្រូវបានរំសាយ, នាឆ្នាំ ២០២១ នេះពាន Ballon d’ Or គឺបានត្រឡប់មកវិញដោយភាពអស្ចារ្យ និង រីកចម្រើនសារជាថ្មីនៅក្នុងវិស័យបាល់ទាត់ ខណៈឆ្នាំនេះក៏ត្រូវបានគេមើលឃើញថានឹងមានកីឡាករឆ្នើមៗជាច្រើនចូលរួមប្រកួតប្រជែងផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទោះបីជាពាននេះត្រូវបានអាក់ខានរហូតដល់ខែធ្នូទៅហើយយ៉ាងណាក្តី ប៉ុន្តែសម្រាប់ការប្រជែងបេក្ខភាពនារយៈពេលប៉ុន្មានសប្តាហ៍ចុងក្រោយនេះ យើងនឹងអាចដឹងថានរណាដែលអាចមានលទ្ធភាពក្លាយជាម្ចាស់នៃពានបុគ្គលកំពូលមួយនេះបន្តពី Lionel Messi ដែលទទួលបានចុងក្រោយនៅឆ្នាំ ២០១៩។
ជាមួយគ្នានេះដែរ នៅក្នុងរដូវកាលនេះការប្រជែងកំពុងឡើងកម្តៅខ្លាំង មុនការប្រកួតទាំងអស់នឹងត្រូវបិទបញ្ចប់, ហើយក្នុងនោះមានកីឡាករចំនួន ២០ រូបដែលត្រូវគេមើលឃើញថាកំពុងឈានមុខគេក្នុងការប្រជែងពាននេះ។
ដកស្រង់ពីគេហទំព័រ Goal.com យើងនឹងបង្ហាញអំពីបេក្ខភាពទាំង ២០ រូបនៅខាងក្រោមនេះ៖
២០. Luis Suarez៖ គេអាចរកបាន ១១ គ្រាប់ និង បញ្ជូនឱ្យមិត្តរួមក្រុមបាន ១ ដង។
១៩. Riyad Mahrez៖ ខ្សែប្រយុទ្ធរូបនេះ រកបាន ៧ គ្រាប់ និង បញ្ជូនឱ្យមិត្តរួមក្រុមបាន ៦ លើក។ ក្នុងនោះគេទើបតែបានជួយឱ្យ Manchester City លើកពាន Carabao Cup។
១៨. Mohamed Salah៖ គេអាចរកបាន ១៥ គ្រាប់។
១៧. Mason Mount៖ គេរកគ្រាប់បាល់បានចំនួន ៨ គ្រាប់ និងបញ្ជូនឱ្យមិត្តរួមក្រុមបាន ៣ លើក។
១៦.N’Golo Kante៖ ខ្សែបម្រើរូបនេះ ជួយបញ្ជូនឱ្យមិត្តរួមក្រុមបាន ១ លើក។
១៥. Toni Kross៖ គេស៊ុតបញ្ចូលទីបាន ២ គ្រាប់ និង បញ្ជូនឱ្យមិត្តរួមក្រុមបាន ៨ ដង។
១៤. Harry Kane៖ គេរកបាន ១៧ គ្រាប់ និង បញ្ជូនឱ្យមិត្តរួមក្រុមបាន ៤ លើក។
១៣. Ruben Dias៖ គេរកបាន ១ គ្រាប់ និងរារាំងការសម្រុករបស់ដៃគូរប្រកួតបានសម្រេចចំនួន ១៦ លើក។ ហើយទើបបានឈ្នះពាន Carabao Cup ជាមួយ Man City។
១២. Bruno Fernandes៖ គេរកបាន ១២ គ្រាប់ និង បញ្ជូនឱ្យមិត្តរួមក្រុមបានចំនួន ៨ លើក។
១១. Phil Foden៖ គេស៊ុតបញ្ចូលទីបាន ៩ គ្រាប់ និង បញ្ជូនឱ្យមិត្តរួមក្រុមបាន ៦ លើក។ ហើយទើបបានឈ្នះពាន Carabao Cup ជាមួយ Man City។
១០. Erling Haaland៖ គេរកបាន ២០ គ្រាប់ និង បញ្ចូនឱ្យមិត្តរួមក្រុមបានចំនួន ៨ លើក។
០៩. Cristiano Ronaldo៖ គេស៊ុតបញ្ចូលទីបាន ១៩ គ្រាប់ បញ្ជូនឱ្យមិត្តរួមក្រុមបានចំនួន ៣ លើក និងឈ្នះពាន Supercoppa Italiana ជាមួយ Juventus។
០៨. Neymar៖ គេរកបាន ៦ គ្រាប់ និងបញ្ជូនឱ្យមិត្តរួមក្រុមបានចំនួន ៥ លើក។ ម្យ៉ាងទៀតគេទើបតែបានជួយឱ្យ Paris Saint-Germain ឈ្នះពាន Trophee des ផងដែរ។
០៧. Ilkay Gundogan៖ គេរកបាន ១៤ គ្រាប់ និងបញ្ជូនឱ្យមិត្តរួមក្រុមបាន ៥ លើក ឈ្នះពាន Carabao Cup ១ ជាមួយ Man City។
០៦. Karim Benzema៖ គេស៊ុតបញ្ចូលទីបាន ១៦ គ្រាប់ និង បញ្ជូនឱ្យមិត្តរួមក្រុមបាន ៣ ដង។
០៥. Romelu Lukaku៖ រកគ្រាប់បាល់បាន ១៤ គ្រាប់ និង បញ្ជូនឱ្យមិត្តរួមក្រុមបាន ៦ ដង ឈ្នះពាន Serie A ជាមួយ Inter Milan។
០៤. Robert Lewandowski៖ ខ្សែប្រយុទ្ធរូបនេះស៊ុតបញ្ចូលទីបាន ២៦ គ្រាប់ និងបញ្ជូនឱ្យមិត្តរួមក្រុមបាន ៣ ដង ឈ្នះពាន Club World Cup ១ ជាមួយ Bayern Munich។
០៣. Kevin De Bruyne៖ រកបាន ៨ គ្រាប់ និង បញ្ជូនឱ្យមិត្តរួមក្រុមបាន ៧ ដង ឈ្នះពាន Carabao Cup ជាមួយ Man City។
០២. Lionel Messi៖ រកបាន ២៦ គ្រាប់ និងបញ្ជូនឱ្យមិត្តរួមក្រុមបាន ៩លើក ឈ្នះពាន Copa del Rey ជាមួយ Barcelona ១។
០១. Kylian Mbappe៖ ស៊ុតបញ្ចូលទីបាន ២៣ គ្រាប់ និង បញ្ជូនឱ្យមិត្តរួមក្រុមបាន ៣ លើក ឈ្នះពាន Trophee des ជាមួយ PSG ១៕
ប្រភព៖ Goal
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម:
https://t.me/khmerload