ទីក្រុងរ៉ូម៖ ក្លិប Parma បានវិលត្រឡប់ទៅកាន់ក្របខ័ណ្ឌ Serie B វិញបន្ទាប់ពីខកខាន ៣ ឆ្នាំនៅក្របខណ្ឌលីគកំពូលអ៊ីតាលី Serie A ហើយក្រោយពីរងបរាជ័យ ១-០ លើក្លិប Torino កាលពីថ្ងៃច័ន្ទនាំឲ្យក្លិបនេះបានក្លាយជាក្លិបទី ២ ដែលត្រូវបានកាត់ចេញពីក្របខណ្ឌលីគកំពូលអ៊ីតាលី Serie A រួមជាមួយនឹងក្លិប Crotone ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្លិប Parma ដែលធ្លាប់មានទាំងកីឡាករ Fabio Cannavaro និងកីឡាករ Gianluigi Buffon ចូលរួមក្រុមផងនោះបានតស៊ូនៅតំបន់កាត់ចោលនៅរដូវកាលនេះ។ ក្លិបនេះបានឈានដល់ការប្រកួតកាលពីថ្ងៃច័ន្ទដោយមានគម្លាត ១២ ពិន្ទុពីក្លិបចំណាត់ថ្នាក់លេខ ១៧ Cagliari ហើយក៏ត្រូវការឈ្នះដើម្បីរក្សាក្តីសង្ឃឹមតិចតួចនៃការរស់រានមានជីវិតពិការកាត់ចោលផងដែរ។
បន្ទាប់ពីបញ្ចប់តង់ទី ១ ដោយគ្មានគ្រាប់បាល់បញ្ចូលទី ក្លិប Torino បានបំបែកការជាប់គាំងនៅនាទីទី ៦២ ខណៈដែលកីឡាករ Christian Ansaldi បានអូសបាល់ចូលទៅក្នុងប្រអប់គ្រោះថ្នាក់ហើយបានបញ្ជូនទៅឲ្យកីឡាករ Mergim Vojvoda ដើម្បីស៊ុតបាល់បញ្ចូលទីយ៉ាងល្អ។
ក្លិប Torino គួរតែនាំមុខទ្វេដងនៅនាទីទី ៧១ ប៉ុន្តែគ្រាប់បាល់របស់កីឡាករ Andrea Belotti ត្រូវបានច្រានចោលដោយសារបាល់ Offside ។
បច្ចុប្បន្នក្លិប Parma ឈរនៅលេខ ២ ពីបាតតារាងដោយមាន ២០ ពិន្ទុដោយនៅសល់ ៤ ជុំ ខណៈក្លិប Torino ឈរនៅចំណាត់ថ្នាក់លេខ ១៥ និងមាន ៣៤ ពិន្ទុ៕
ប្រភប៖ Xinhua News