រដ្ឋបាលខេត្តកំពង់ចាម រកឃើញករណីវិជ្ជមានកូវីដ១៩ លើជនជាតិខ្មែរ ៣នាក់ មានអ្នកពាក់ព័ន្ធសរុប ១៨នាក់

ខេត្តកំពង់ចាម៖ យោងតាមសេចក្តីជូនដំណឹងរបស់រដ្ឋបាលខេត្តកំពង់ចាម នៅថ្ងៃទី០៤ ខែឧសភា ឆ្នាំ២០២១នេះ បានឱ្យដឹងថា រដ្ឋបាលបានរកឃើញ ករណីវិជ្ជមានកូវីដ១៩ ៣ករណីបន្ថែមលើជនជាតិខ្មែរ ក្នុងនោះមានបុរស ២នាក់ និង​ស្ត្រីម្នាក់។

១. ឈ្មោះ ស៊ូ សុខលី ភេទស្រី អាយុ៤៧ឆ្នាំ រស់នៅភូមិស្វាយទាប ឃុំស្វាយទាប ស្រុកចំការលើ

២. អ៊ុន វ៉ា ភេទប្រុស អាយុ ៤០ឆ្នាំ រស់នៅភូមិតាអុង ឃុំតាអុងស្រុកចំការលើ

៣. ឈ្មោះ ស៊ុន សុខហេង ភេទប្រុស អាយុ២៧ឆ្នាំ រស់នៅភូមិសេកយំ ឃុំព្រៃឈរ ស្រុកព្រៃឈរ។

ជាមួយគ្នានោះ រដ្ឋបាលខេត្តកំពង់ចាម បានចាត់ឱ្យមន្ទីរសុខាភិបាលខេត្ត បញ្ជូនអ្នកជំងឹខាងលើទៅសម្រាកព្យាបាលនៅមន្ទីរពេទ្យខេត្ត និងបន្តស្រាវជ្រាវរកដែលប៉ះពាល់ផ្ទាល់ និង​ប្រយោល ពាក់ព័ន្ធនឹងករណីនេះបន្ថែមទៀត។

តាមការបញ្ជាក់នៅក្នុងសេចក្តីជូនដំណឹង មានអ្នកពាក់ព័ន្ធនឹងអ្នកជំងឺខាងលើសរុប១៨នាក់៕

សូមអានសេចក្តីជូនដំណឹងលម្អិតខាងក្រោម៖