Aespa ត្រៀមខ្លួនរួចជាស្រេច សម្រាប់ការវិលត្រឡប់មកវិញក្នុងពេលឆាប់ៗនេះ

កូរ៉េខាងត្បូង៖ ក្រុមចម្រៀងនារីជំនាន់ថ្មី AESPA ដែលមានសមាជិក៤នាក់ របស់ផលិតកម្មយក្ស SM កំពុងត្រៀមខ្លួនរួចជាស្រេច សម្រាប់ការវិលត្រលប់មកវិញ ដើម្បីបម្រើចំណីអារម្មណ៍អ្នកគាំទ្ររបស់ខ្លួន។ 

នេះពិតជាដំណឹងល្អសម្រាប់អ្នកគាំទ្ររបស់ AESPA ដោយយោងទៅតាមរបាយការណ៍មួយរបស់ Ilgan sports បានអោយដឹងថា ពួកគេបានរៀបចំគម្រោងសម្រាប់ការចេញបទថ្មីនេះ នៅខែឧសភាតែម្តង ដោយជាពិសេសជាងនេះទៅទៀត Aespa នឹងនាំមកជូននូវកម្មវិធីសប្បាយៗជាច្រើនសម្រាប់អ្នកគាំទ្រផងដែរ។ 

បើគិតទៅ វាអស់រយៈពេលជិតកន្លះឆ្នាំទៅហើយ ដែលបទចម្រៀងចុងក្រោយរបស់ពួកគេដែលមានចំណងជើងថា "Black Mamba" បានចេញកាលពីខែវិច្ឆិកា ឆ្នាំ២០២០ ដែលធ្វើអោយអ្នកគាំទ្ររបស់ Aespa ពិតជាអន្ទះអន្ទែងចង់ឃើញបទចម្រៀងថ្មីរបស់ពួកគេម្តងទៀត៕