អង់គ្លេស៖ លោក Ryan Mason ជឿជាក់ថាការសម្រេចចិត្តលើអនាគតរបស់ Gareth Bale នៅឯ Tottenham អាចរង់ចាំរហូតដល់រដូវក្តៅ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សBale បានបង្ហាញទម្រង់លេងយ៉ាងល្អសម្រាប់ក្រុម Tottenham នៅរាត្រីថ្ងៃអាទិត្យដោយបានស៊ុត Hat-trick យ៉ាងស្អាត ពេលប្រកួតនឹងក្រុម Sheffield United ខណៈដែលក្រុមនៅភាគខាងជើងទីក្រុងឡុងបានឈ្នះ ៤-០ ។
កីឡាករវ័យ ៣១ ឆ្នាំរូបនេះកំពុងខ្ចីជើងនៅ Spurs ពីក្លិបមេ Real Madrid ដោយកិច្ចព្រមព្រៀងនោះនឹងត្រូវផុតកំណត់នៅចុងរដូវកាលនេះ។
Mason បាននិយាយថា “ខ្ញុំគិតថា នោះគឺជាការសន្ទនាមួយនៅចុងបញ្ចប់នៃរដូវកាលរវាង Gareth ក្លឹប Spurs និងក្លឹប Real Madrid ប៉ុន្តែការផ្តោតសំខាន់និងអាទិភាពរបស់យើងគួរតែជាការប្រកួតបន្ទាប់។
វាស្តាប់ទៅដូចជាមិនទំនង ប៉ុន្តែវាពិត។ ខ្ញុំរីករាយដែលគាត់សប្បាយចិត្ត គាត់គួរតែបែបនេះពីព្រោះគាត់មានការប្រកួតមួយទៀតដើម្បីបន្ថែមគ្រាប់បាល់។ វាជាការបង្ហាញទម្រង់លេងដ៏អស្ចារ្យផងដែរ។
ការសម្រេចចិត្តនៅពេលនេះ និងអាទិភាពគឺ Gareth បានត្រៀមខ្លួនរួចរាល់ហើយក្នុងការហ្វឹកហាត់ហើយគាត់សប្បាយចិត្តក្នុងការហ្វឹកហាត់។ យើងមានវគ្គហ្វឹកហាត់ដ៏ធំមួយសប្តាហ៍ទៀតពីព្រោះយើងមានការប្រកួតដ៏ធំមួយនៅចុងសប្តាហ៍ក្រោយហើយសង្ឃឹមថាយើងអាចមាន Gareth ដូចពេលនេះម្ដងទៀត នៅចុងសប្តាហ៍ក្រោយ៕