បរទេស៖ លោកអ្នកបានដឹកមកហើយនូវព្រឹត្តការណ៍អបអរសាទរនូវខ្សែភាពយន្ត (Marvel Studios Celebrates The Movies) របស់ Marvel ក្នុង MCU គឺយើងបានឃើញនូវវីដេអូខ្លីៗខ្លះពីរឿងរាវនានាកើតឡើងមុននឹងបច្ចុប្បន្នកាលនៃ Phrase 4 របស់ MCU ដូចជាខ្សែភាពយន្ត Black Window និង The Eternal ជាដើម។ ក្នុងនោះយើងក៏បានឃើញនូវរូបរាងឡូហ្គូ និងចំណងជើងថ្មីនៃខ្សែភាពយន្តមួយចំនួនដូចជា Black Panther 2: Wakanda Forever, The Guardian of Galaxy Vol.3 និង Captain Marvel 2 ប្ដូរឈ្មោះទៅជា The Marvels ទៅវិញផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពិតមែនហើយអ្វីដែលហ្វេនៗរំពឹងទុកនៅក្នុង Captain Marvel 2 នោះគឺវត្តមានរបស់កំពូលវីរនារីថ្មីរបស់ MCU នោះគឺ Kamala Khan ឬ Ms. Marvel ជាតួអង្គមួយដែលស្រលាញ់នឹងគាំទ្រ Captain Marvel ខ្លាំងមែនទែនហើយនេះអាចជាមូលហេតុមួយដែលចំណឹងជើង Captain Marvel 2 ត្រូវប្ដូរឈ្មោះទៅជា The Marvels ផងដែរ។ព្រោះថានៅក្នុងខ្សែភាពយន្ត The Marvels នេះនឹងមានវត្តមានរបស់កំពូលវីរនារីដ៏ទៅ ២នាក់ផ្សេងៗទៀតដែលមានទំនាក់ទំនងទៅនឹង Carol Danvers ដែលជា Captain Marvel គឺ Kamala Khan ជា Ms. Marvel និង Monica Rambeau ដែលមានទំនាក់ទំនងដ៏ធំជាមួយតួអង្គ Carol Danvers ដោយយើងដឹងថាម្ដាយរបស់ Monica មានឈ្មោះថា Maria គឺដែលជាអ្នកជួយ Danvers ក្នុងការជ្រើសរើសឈុត Cap Marvel របស់នាង ហើយក៏ជាអ្នកបង្កើតភ្នាក់ងារ SWORD Agent ម្នាក់ផងដែរ ម៉្យាងទៀត Monica Rambeau គឺមានឈ្មោះថា Second Captain Marvel នៅក្នុង Comic ជាយូរមកហើយនោះវាអាចនឹងកើតមានឡើងឆាប់ៗនេះនៅក្នុង MCU ដែល Monica Rambeau ក្លាយទៅជា Second Captain Marvel។
យ៉ាងណាមិញ Ms. Marvel ត្រូវបានក្រុមហ៊ុន Marvel ប្រកាសថានឹងមាននូវខ្សែភាពយន្តទោលរបស់ខ្លួនផងដែរដែលជាខ្សែភាពយន្តភាគហើយគឺកំពុងតែដំណើរការថតផងដែរ។ ទោះជាយ៉ាងណាក៏ដោយក្រោយពីស្ងាត់បាត់ដំណឹងយូរពេលនេះមានការបែកធ្លាយទៅលើខ្សែភាពយន្ត Ms. Marvel ដែលសម្ដែងដោយតារាវ័យប្រហែល ១៨ ទៅ ១៩ឆ្នាំ កញ្ញា Iman Vellani នេះគឺលិចរូបរាងឈុតរបស់ Ms. Marvel ដែលមើលទៅពិតជាស្អាតអស្ចារ្យដូចទៅក្នុង Comic អញ្ជឹងហើយដែលខ្សែភាពយន្តមួយនេះកំណត់ថានឹងចាក់បញ្ចាំងនៅក្នុងឆ្នាំ២០២១ លើប្រព័ន្ធ Disney + ក្នុងពេលឆាប់ៗនេះ៕
ប្រភព៖ JustJared.com