ក្រុមចម្រៀងនារី Everglow ប្រកាសខ្លួនត្រឡប់មកវិញនាពេលឆាប់ៗនេះ

កូរ៉េខាងត្បូង៖ ក្រុមចម្រៀងនារី Everglow ដែលមានសមាជិក៦នាក់ ស្ថិតនៅក្នុងការគ្រប់គ្រងរបស់ផលិតកម្ម Yeuhua entertainment កំពុងតែត្រៀមខ្លួនរួចជាស្រេចក្នុងការត្រលប់មកវិញសម្រាប់អ្នកគាំទ្រនាពេលឆាប់ៗនេះហើយ។ 

យោងទៅតាមសារព័ត៌មានរបស់ Star news នៅថ្ងៃទី០៣ ខែឧសភា Everglow នឹងត្រឡប់មកវិញជាមួយអាល់ប៊ុមតូចរបស់ខ្លួន ដែលនឹងចេញនៅថ្ងៃទី២៥ ខែឧសភាខាងមុខនេះ ហើយសម្រាប់ music video របស់បទនេះ គឺបានថតរួចជាស្រេច។ គួរបញ្ជាក់ផងដែរថា concept របស់ Everglow ក្នុងការត្រឡប់មកវិញនេះគឺលក្ខណៈ "នារីចម្បាំងនាពេលអនាគត" ស្តាប់ទៅពិតជាគួរឱ្យចាប់អារម្មណ៍ខ្លាំងណាស់។

នេះគឺជាដំណឹងល្អមួយសម្រាប់អ្នកគាំទ្ររបស់ក្រុម Everglow ព្រោះវាអស់រយៈពេល៦ខែហើយ សម្រាប់បទចុងក្រោយរបស់ពួកគេ៕

ប្រភព៖ Star news