ចិន៖ ជាការពិតណាស់ ទីក្រុងវូហាន ប្រទេសចិន គឺជាចំណុចផ្ទុះឡើងជំងឺកូវីដ-១៩មុនដំបូងបង្អស់ តាំងពីចុងឆ្នាំ២០១៩មកម្ល៉េះ ហើយទីក្រុងនេះក៏ត្រូវបានបិទខ្ទប់អស់រយៈពេលជាង ២ខែផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្ដែយ៉ាងណាមិញ ទីក្រុងនៃប្រទេសចិនមួយនេះ ក៏ហាក់បានធូរស្រាលពីជំងឺរាតត្បាតមុនប្រទេសនានាផងដែរ ពោលក្នុងរយៈពេលប៉ុន្មានខែចុងក្រោយនេះ បានរកឃើញករណីឆ្លងថ្មីៗតិចតួចប៉ុណ្ណោះ ដែលធ្វើឲ្យសកម្មភាព មុខរបបជាច្រើន បានចាប់ផ្ដើមវិលត្រលប់មករកសភាពធម្មតាវិញហើយ។
ជាក់ស្ដែង កាលពីថ្ងៃចុងសប្ដាហ៍កន្លងទៅ ទីក្រុងវូហានបានរៀបចំការប្រគុំតន្ដ្រីយ៉ាងគគ្រឹកគគ្រេងមួយឈ្មោះថា The Wuhan Strawberry Music Festival ដោយបានទាក់ទាញមនុស្សចូលរួមប្រមាណ ១១,០០០នាក់ឯណោះ។ ក្នុងនោះផងដែរ សង្កេតឃើញថាមានមនុស្សមួយចំនួនប៉ុណ្ណោះដែលបានពាក់ម៉ាស់ ខណៈមនុស្សមួយចំនួនធំមិនបានពាក់ម៉ាស់ការពារឡើយ ហើយលើសពីនេះ ពួកគេក៏មិនបានរក្សារគម្លាតសុវត្ថិភាពដែរ។
គួរឲ្យដឹងដែរថា កម្មវិធីប្រគុំតន្ដ្រីនេះ ត្រូវបានអាក់ខានកាលពីឆ្នាំមុន ពោលគឺនៅពេលជំងឺកូវីដ-១៩ ចាប់ផ្ដើមផ្ទុះខ្លាំងនៅទីក្រុងវូហាន ប៉ុន្ដែក៏បានបង្វែរទៅរៀបចំតាមប្រព័ន្ធអ៊ីនធឺណេតផងដែរ៕
ចង់បានព័ត៌មានបន្ថែម និងរហ័ស សូមចុច៖ https://t.me/khmerload
សូមទស្សនារូបភាពខាងក្រោម៖
ប្រភព៖ The Thaiger