បរទេស៖ វីរបុរសបាល់ទាត់ Lionel Messi បានបដិសេធមិនធ្វើពិធីអបអរសាទរចំពោះ Follower ចំនួន ២០០ លាននាក់នៅលើបណ្តាញសង្គម Instagram ។ ផ្ទុយទៅវិញគាត់ទាញចំណាប់អារម្មណ៍របស់អ្នកតាមដានចំពោះការប្រយុទ្ធប្រឆាំងនឹងការរំលោភបំពាន និងការគម្រាមតាមអ៊ិនធើណេត ខណៈពេលគេគ្រប់គ្នាកំពុងចាប់អារម្មណ៍នឹងកំណត់ត្រាថ្មីរបស់ខ្លួន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស“ខ្ញុំឃើញថា ខ្ញុំទើបតែឈានដល់ចំនួន ២០០ លាននាក់ នៃ Follower របស់ខ្ញុំនៅលើបណ្តាញនេះ” Messi បានបញ្ចេញសារទៅកាន់ពិភពលោក។
Messi បានសរសេរថា “យើងត្រូវតែថ្កោលទោសយ៉ាងខ្លាំងចំពោះអាកប្បកិរិយាអរិភាព និងទាមទារឱ្យក្រុមហ៊ុនដែលគ្រប់គ្រងបណ្តាញចាត់វិធានការបន្ទាន់ប្រឆាំងនឹងអាកប្បកិរិយាទាំងនេះ” ដែលត្រូវបានចុចចូលចិត្ត ដោយអ្នកប្រើប្រាស់ជាង ៤.៥ លាននាក់។
សាររបស់ Messi បានកើតឡើងនៅពេលដែលអង្គភាពកីឡាជាច្រើននៅទូទាំងចក្រភពអង់គ្លេសកំពុងធ្វើពហិការមិនចូលរួមក្នុងប្រព័ន្ធផ្សព្វផ្សាយសង្គមនៅចុងសប្តាហ៍នេះ ក្នុងគោលបំណងដើម្បីជំរុញក្រុមហ៊ុនដូចជា Twitter, Facebook និង Instagram ឱ្យធ្វើអ្វីៗបន្ថែមទៀតដើម្បីដោះស្រាយការរំលោភបំពានការរើសអើងជាតិសាសន៍៕
Bong I.T