គួរឲ្យអាណិត! ខំធ្វើការទាំងថ្ងៃឡើងខ្លោចមុខ តែពេលនេះ ត្រូវបុគ្គលិកដឹកជញ្ជូនបុកឲ្យរបួស ខណៈម៉ោងធ្វើការ

រាជធានីភ្នំពេញ ៖ នៅចាំគាត់ទេ សមត្ថកិច្ចខ្លោចមុខ ល្បីពេញហ្វេសប៊ុក កាលពីប៉ុន្មានថ្ងៃមុន ដែលធ្វើការ ភ្លេចបាយភ្លេចទឹក លែងស្គាល់ក្តៅត្រជាក់ ដែលធ្វើឲ្យ មហាជនពេញចិត្តយ៉ាងខ្លាំង តែជាអកុសល សមត្ថកិច្ចរូបនេះ ត្រូវបានបុគ្គលិក ដឹកជញ្ជូនមួយ បុកឲ្យរបួសជើងស្តាំធ្ងន់ធ្ងរ ដេកស្តូកស្តឹងលើផ្លូវ ខណៈពេល នៅច្រកពិនិត្យ ត្រង់ចំណុច​ច្រមុះជ្រូក​ស្ទឹងមានជ័យ ស្ថិតក្នុង​សង្កាត់​ស្ទឹងមានជ័យ​ទី​៣ ខណ្ឌមានជ័យ នៅវេលា​ម៉ោង ១៨​ល្ងាច ថ្ងៃទី​២ ខែឧសភា ឆ្នាំ​២០២១​ កន្លងទៅនេះ។

គួរបញ្ជាក់ផងដែរថា សមត្ថកិច្ចរូបនេះមានឈ្មោះថា សុខ ពន្លឺ អាយុ២៧ឆ្នាំ ជាមន្ត្រីដែលសកម្មការងារនៅផ្នែកអន្តរាគមន៍ពិសេសនៃអធិការដ្ឋាននគរបាលខណ្ឌមានជ័យ ដែលខណៈពេលនោះ ក៏ត្រូវបាន លោកវរសេនីយ៍ឯក ម៉េង វិមានតារា ជាអធិការខណ្ឌ ក៏បានទៅសួរសុខទុក្ខ ដល់មន្ទីរពេទ្យផ្ទាល់តែម្តង៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖