អង់គ្លេស៖ ខ្សែបម្រើឆ្នើមរបស់ក្រុម Manchester United កីឡាករ Paul Pogba បាននិយាយលេងសើចបែបកំប្លែងថា គាត់គួរតែដាក់ឱ្យអង្គុយនៅកៅអីបម្រុងវិញ បន្ទាប់ពីឃើញស្ថិតិប្រកួតរបស់ខ្លួនឯង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ នៅពេលដែល Man UTD បានដាក់ Pogba នៅក្នុងជម្រើស ១១ នាក់ដំបូង ពួកគេទទួលបានត្រឹមតែ ១.៩ ពិន្ទុប៉ុណ្ណោះក្នុងមួយប្រកួត, ប៉ុន្តែនៅពេលដែលគាត់ត្រូវបានស្ថិតនៅកៅអីបម្រុងវិញ ពួកគេទទួលបានពិន្ទុដល់ទៅ ២.២ ពិន្ទុឯណោះក្នុងមួយប្រកួត។
ថ្លែងប្រាប់គេហទំព័រ Canal+ Pogba បាននិយាយលេងសើចយ៉ាងដូច្នេះថា៖
ដូច្នេះអ្នកគួរតែដាក់ខ្ញុំឱ្យអង្គុយនៅកៅអីបម្រុងវិញ! ខ្ញុំមិនដែលបានឃើញស្ថិតិរបស់ខ្ញុំបែបនេះទេ។ ប្រសិនបើក្រុមអាចល្អប្រសើរដោយគ្មានខ្ញុំ ខ្ញុំគួរតែយល់ហើយ ដោយខ្ញុំនឹងសុំឱ្យគ្រូបង្វឹកដាក់ខ្ញុំនៅកៅអីបម្រុងវិញ។ វាជាការប្រកួតប្រជែងដ៏ល្អសម្រាប់ខ្ញុំ។ ខ្ញុំសង្ឃឹមថាវានឹងត្រឡប់ទៅរកសភាពដើមវិញ។ ខ្ញុំសង្ឃឹមថាក្រុមនឹងឈ្នះការប្រកួតបានច្រើននៅពេលដែលគ្មានខ្ញុំ៕
ប្រភព៖ Goal
ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម:
https://t.me/khmerload
Bong I.T